11 ـ ايدىڭ 12 - كۇنى 15 ـ كەزەكتى جۇڭگو اۆياتسيا كورمەسى گۋاڭدۇڭ ولكەسىنىڭ جۋحاي قالاسىندا باستالدى. جۇڭگو تەڭىز ارمياسى جيان - 15T، جيان - 15D تاسىمالداۋشى سوعىس ۇشاعى سياقتى كوپ ٴتۇرلى سوعىس ۇشاقتارى اشىلۋ سالتىندا كورەرمەندەرگە تەڭىز ارمياسى اۋە اسكەرلەرىنىڭ ەرەكشەلىگىن ايگىلەدى.

تەڭىز ارمياسى نەگىزىنەن تەڭىز كەڭىستىگىندە سوعىس مىندەتىن ۇستىنە العان اسكەر ٴتۇرىن كورسەتەدى، تەڭىز ارمياسىنىڭ اۋە اسكەرلەرى 1952 - جىلى 9 - ايدىڭ 6 - كۇنى رەسمي قۇرىلعاننان بەرى تاياۋ تەڭىزدەن شالعاي مۇحيتقا، جاعالىق بازادان اۆياماتكا بازاسىنا قاراي سەكىرمەلى دامۋدى جۇزەگە اسىرىپ، وتانىمىزدىڭ تەڭىز كەڭىستىگىنىڭ يەلىك ۇقىعىن، حاۋىپسىزدىگىن، مۇددەسىن قورعاۋداعى ماڭىزدى كۇشكە اينالدى.

قارۋ - جاراق − مەملەكەت قورعانىسىن بەكەمدەۋدىڭ، ارميا قۇرۋدىڭ جانە سوعىستا جەڭىسكە جەتۋدىڭ ماڭىزدى زاتتىق نەگىزى، جاۋىنگەرلىك قۋاتتى قالىپتاستىرۋدىڭ جانە جوعارىلاتۋدىڭ ماڭىزدى قاينارى. تۇڭعىش رەت ناقتى جابدىقتالىپ كورمەگە قاتىناستىرىلعان جيان - 15T، جيان - 15D تاسىمالداۋشى سوعىس ۇشاعى سياقتى نەگىزگى سوعىس جابدىقتارى اۆياماتكا قۇراماسىنىڭ وزەكتى قارۋ - جاراعى رەتىندە، تەڭىز ارمياسى اۋە اسكەرلەرىنىڭ ماڭىزدى كۇشى سانالادى.

جيان - 15T ۇشاعىنىڭ سوعىس جۇرگىزۋ كولەمى كەڭ، اۋەدەن سوعىس جۇرگىزۋ قۋاتى مەن تەڭىزدە تۇتقيىل سوعىس جۇرگىزۋ قۋاتى كۇشتى. جيان - 15D ۇشاعى ەكى ادامدىق ەلەكتروندىق سوعىس ۇشاعى بولىپ، وندا ەلەكتروندى كەدەرگىلىك جاساۋ جانە سوققى بەرۋ قابىلەتى سياقتىلار ٴبىر تۇلعالاندىرىلعان، بۇل كەلەشەكتەگى اۆياماتكا قۇراماسىنىڭ اۋە كەڭىستىگىن مەڭگەرۋ ۇقىعىن  قولعا الۋدا ماڭىزدى رول اتقارادى. وسى ەكى سوعىس ۇشاعىن ەلىمىز دەربەس زەرتتەپ جاساعان، تەڭىز ارمياسىنىڭ اۋە اسكەرى قوسىنى وسى ۇشاقپەن مولىنان جابدىقتالعاننان كەيىن جاۋىنگەرلىك قۋات قالىپتاستىرا الادى.

باستالۋ سالتىندا ٴبىر جيان - 15D مەن ەكى جيان - 15T دەن قۇرالعان ٴۇش ۇشاق قۇراماسى بىرگە ۇشىپ، سەرىكتەسىپ ماي قۇيۋ جاتتىعۋ ساباعىن كورسەتتى. تەڭىز ارمياسى اۆياتسيا ۋنيۆەرسيتەتىنىڭ اۆياماتكا ۇشاعى تاربيەشىسى لياڭ ليبين بىلاي دەپ تانىستىردى: اۋەدەگى ماي قۇيۋ «كەڭىستىكتەگى ينە شانشۋ» نەمەسە «سانتيمەتر دارەجەلى ۇشۋ» دەپ اتالادى، بۇل الەمدەگى ەڭ قيىن ۇشۋ ساباعى دەپ تانىلعان.

10 ـ ايدىڭ اياق شەنىندە تەڭىز ارمياسىنىڭ لياۋنيڭ اتتى اۆياماتكا قۇراماسى شالعاي تەڭىزدەگى ناقتى سوعىس جاتتىعۋىن ورىستەتتى. نانحاي تەڭىزىنىڭ بەلگىلى تەڭىز ايدىنىندا لياۋنيڭ اۆياماتكاسى مەن شاندۇڭ اۆياماتكاسى قۇراماسى تۇڭعىش رەت قوس اۆياماتكا قۇراماسى جاتتىعۋىن وتكىزىپ، اۆياماتكا قۇراماسى جۇيەسىنىڭ سوعىس جۇرگىزۋ قابىلەتىن شىڭدادى.

تەڭىز ارمياسىنىڭ تۇڭعىش توپتاعى ايەل ۇشقىشتارى 2023 - جىلى ۇشقىشتار قوسىنىنا قابىلدانعان، ولاردىڭ بارلىعى ارميا مەن جەرگىلىكتى ورىنداعى جوعارى مەكتەپتەردەن تولىق كۋرس تاۋىسقان وقۋشىلار، بارلىعى ”2000 - جىلداردىڭ تۇلەكتەرى“، ولاردى تەڭىز ارمياسىنىڭ اۆياتسيا داشۋەسى جاۋاپتى بولىپ باۋلعان، بۇل تەڭىز ارمياسىنىڭ اۆياتسيا اسكەرلەرى قۇرىلىمىنىڭ اناعۇرلىم مولايىپ، تاسىمالداۋشى ۇشاق ۇشقىشتارىنىڭ كەلۋ قاينارىنىڭ اناعۇرلىم كەڭەيگەندىگىن كورسەتەدى. حان مىڭ، ۋاڭ مىڭدي قاتارلى تۇڭعىش توپتاعى تاسىمالداۋشى ۇشاقتىڭ ايەل ۇشقىش كۋرسانتتارى بيىل 4 - ايدىڭ سوڭىندا العاش رەت جەكە ۇشۋ سىناعىن ورىنداپ، تاسىمالداۋشى تىك ۇشاقتى وزگەرتىپ قۇراستىرۋ جاتتىقتىرۋىن جاساۋدا.

تاياۋ جىلداردان بەرى تەڭىز ارمياسىنىڭ اۋە اسكەرلەرى عىلىم - تەحنيكا وزگەرىسىنە، سوعىس وزگەرىسىنە، قارسىلاسىنىڭ وزگەرىسىنە قاداعالاي نازار اۋدارىپ، اۋە قورعانىسى، اۋە شابۋىلى، تومەن كەڭىستىكتە شۇعىل قورعانۋ سياقتى ناقتى سوعىستىق جاتتىعۋلاردى و

رىستەتىپ، باسشىلىق قولباسشىلىق ٴتۇزىلىسى، كولەم قۇرىلىمى جانە كۇش - قۋات قۇرامى جاعىنان شىت جاڭا تۇسكە ەنىپ، ستراتەگيالىق سەس كورسەتۋ جانە ناقتى سوعىس جۇرگىزۋ قابىلەتىن كورنەكتى جوعارىلاتتى.

شينحۋا اگەنتتىگىنىڭ 11 - ايدىڭ 12 - كۇنى گۋاڭجوۋدان بەرگەن حابارى (تىلشىلەر لي يۇن، لۇي جىحاۋ، سۇن لۋميڭ)

 11 - ايدىڭ 12 - كۇنى 15 - كەزەكتى جۇڭگو اۆياتسيا كورمەسىنىڭ تۇڭعىش كۇنى، اۋە ارمياسىنىڭ 1 - تامىز ۇشۋ ونەرىن كورسەتۋ اترەتىندەگىلەر ونەر كورسەتۋدە.   شينحۋا اگەنتتىگى تان سىچىڭ فوتوسى

 11 - ايدىڭ 12 - كۇنى 15 - كەزەكتى جۇڭگو اۆياتسيا كورمەسىنىڭ تۇڭعىش كۇنى، اۋا ارمياسىنىڭ شارلاۋ - شابۋىلداۋ ٴبىر تۇلعالاندىرىلعان ۇشقىشسىز ۇشاعى كورمەگە قويىلدى.     شينحۋا اگەنتتىگى تان سىچىڭ فوتوسى 

 11 - ايدىڭ 12 - كۇنى تەڭىز ارمياسىنىڭ جيان - 15T تاسىمالداۋ سوعىس ۇشاعى 15 - كەزەكتى جۇڭگو اۆياتسيا كورمەسىندە ۇشۋ ونەرىن كورسەتتى. شينحۋا اگەنتتىگى لۇي جىحاۋ فوتوسى

 11 - ايدىڭ 12 - كۇنى تەڭىز ارمياسىنىڭ جيان - 15 جەلىلەس سوعىس ۇشاقتارى 15 - كەزەكتى جۇڭگو اۆياتسيا كورمەسىندە ۇشۋ ونەرىن كورسەتتى.     شينحۋا اگەنتتىگى لۇي جىحاۋ فوتوسى

 11 - ايدىڭ 12 - كۇنى اۋە ارمياسىنىڭ يوۋ - 20 ۇشاعى ۇشىپ ونەر كورسەتتى.  شينحۋا اگەنتتىگى ليۋ داۋي فوتوسى

 11 - ايدىڭ 12 - كۇنى 15 - كەزەكتى جۇڭگو اۆياتسيا كورمەسىنىڭ تۇڭعىش كۇنى، اۋە ارمياسىنىڭ جيان - 35A ۇشاعى ۇشۋ ونەرىن كورسەتتى. شينحۋا اگەنتتىگى  تاۋ ران فوتوسى

 11 - ايدىڭ 12 - كۇنى قۇرلىق ارمياسى جى - 8G تىكۇشاعى «تاۋ مىسىعى» اتتى تۇتقيىل شابۋىلداۋ ماشيناسىن ٴىلىپ تاسۋ ونەرىن كورسەتتى.     شينحۋا اگەنتتىگى جاڭ يۇڭجين فوتوسى

 11 - ايدىڭ 12 - كۇنى تەڭىز ارمياسى جى - 20J تاسىمالداۋ ۇشاعى 15 - كەزەكتى جۇڭگو اۆياتسيا كورمەسىندە اۋەدەن تۇتقيىل شابۋىلداۋ ونەرىن كورسەتتى.  شينحۋا اگەنتتىگى لۇي جىحاۋ فوتوسى

 11 - ايدىڭ 12 - كۇنى 15 - كەزەكتى جۇڭگو اۆياتسيا كورمەسىنىڭ تۇڭعىش كۇنى اۋە ارمياسىنىڭ جيان - 20 سوعىس ۇشاعى ۇشۋ ونەرىن كورسەتتى. شينحۋا اگەنتتىگى  تان سىچىڭ فوتوسى

 11 - ايدىڭ 12 - كۇنى تەڭىز ارمياسىنىڭ يۇن - 8 سۇڭگۋىر كەمەگە قارسى شارلاۋشى ۇشاعى 15 - كەزەكتى جۇڭگو اۆياتسيا كورمەسىندە.    شينحۋا اگەنتتىگى  جاڭ يىڭكاي فوتوسى

 11 - ايدىڭ 12 - كۇنى 15 - كەزەكتى جۇڭگو اۆياتسيا كورمەسىنىڭ تۇڭعىش كۇنى، اۋە ارمياسىنىڭ جيان - 16 سوعىس ۇشاعى ۇشۋعا دايىندالدى. شينحۋا اگەنتتىگى  يۇي حۇڭچۇن فوتوسى