شي جينپيڭ 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندە بىلاي دەپ باسا دارىپتەدى:

ستراتەگيالىق سەنىمدى بەكەمدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن جاپپاي ىلگەرىلەتۋ كەرەك

ساي چي قاتىناستى، ديڭ شۋەشياڭ باسقاردى

12 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى جونىندەگى اڭگىمە ماجىلىسىنە قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 12 ـ ايدىڭ 2 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 12 ـ ايدىڭ 2 ـ كۇنى بەيجيڭدە 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىنە قاتىناستى ٴارى ماڭىزدى ٴسوز سويلەپ بىلاي دەپ باسا دارىپتەدى: قازىرگى قاتاڭ دا كۇردەلى حالىقارالىق ورتادا، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە وراي مەن سىن ـ سايىس قاتار ٴومىر ٴسۇرىپ وتىر، الايدا، جالپى جاقتان العاندا وراي سىن ـ سايىستان باسىم. ٴبىز ستراتەگيالىق سەنىمدى بەكەمدەپ، ستراتەگيالىق تاباندىلىقتان جازباي، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ٴبىر بەلدەۋ، ٴبىر جولدى“ بىرگە قۇرۋدىڭ اناعۇرلىم جارقىن بولاشاعىن اشۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي اڭگىمە ماجىلىسىنە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ٴماجىلىسىن باسقاردى.

اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، سىرتقى ىستەر مينيسترلىگىنىڭ ورىنباسار مينيسترى ما جاۋشۇي، بەيجيڭ قالالىق پارتكومنىڭ شۋجيى يىن لي، حۋبەي ولكەلىك پارتكومنىڭ شۋجيى ۋاڭ مىڭحۇي، جۇڭگو باۋ ـ ۋ بولات ـ تەمىر توبى شەكتى سەرىكتەستىگىنىڭ القا باستىعى حۋ ۋاڭميڭ، يشين ـ وۋ ساۋداعا قىزمەت وتەۋ توبى شەكتى سەرىكتەستىگىنىڭ القا باستىعى فىڭ شۇيبين، جۇڭگو قوعامدىق عىلىمدار اكادەمياسى جۇڭگو شەكارا ٴوڭىردى زەرتتەۋ ورنىنىڭ باستىعى شيڭ گۋاڭچىڭ ىلگەرىندى ـ كەيىندى ٴسوز سويلەپ، ٴىس جۇزىندىكپەن بىرلەستىرىپ، قىزمەت جاعدايىن تانىستىرىپ، ۇسىنىس ـ پىكىرلەردى ورتاعا قويدى.

كوپشىلىكتىڭ ٴسوزىن تىڭداعان سوڭ، شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: 2013 ـ جىلى ”ٴبىر بەلدەۋ، ٴبىر جولدى“ بىرگە قۇرۋ باستاماسى العا قويىلعاننان بەرى، پارتيا ورتالىق كوميتەتىنىڭ پارمەندى باسشىلىعىندا، ٴارقايسى جاقتىڭ بىرگە قۇلشىنىس جاساۋىندا، ”ٴبىر بەلدەۋ، ٴبىر جولدى“ بىرگە قۇرۋ باستان ـ اياق بەيبىت بولۋ جانە سەلبەسۋ، اشىق جانە سيىسىمدى بولۋ، ٴوزارا ۇيرەنىپ ٴبىر ـ بىرىنەن ۇلگى الۋ، ٴوزارا پايدا جەتكىزىپ تەڭ يگىلىككە كەنەلۋ سىندى جىبەك جولى رۋحىن بەرىك ۇستانىپ، باستان ـ اياق بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، سەلبەستىك سالاسىن ۇزدىكسىز كەڭەيتىپ، سەلبەستىك كولەمىن ۇزدىكسىز زورايتىپ، سەلبەستىك دەڭگەيىن ۇزدىكسىز جوعارىلاتىپ، حالىقارالىق باۋراۋ قۋاتىن، ىقپال قۋاتىن، ۇيىسۋ قۋاتىن ۇزدىكسىز كۇشەيتىپ، كەلەلى تابىستارعا قول جەتكىزىپ، بىرگە قۇراتىن ەلدەرمەن دوستىقتى نىعايتۋعا، بىرگە قۇراتىن ەلدەردىڭ ەكونوميكالىق، قوعامدىق دامۋىن جەبەۋگە جۇڭگو ۇلەسىن قوستى.

شي جينپيڭ بىلاي دەپ باسا دارىپتەدى: جۋىق جىلداردان بەرى، دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتتى، سىڭار جاقتىلىق، قورعامپازدىق كورنەكتى كۇشەيىپ، ٴىشىنارالىق قاقتىعىس پەن الاساپىراندىق ٴجيى تۋىلۋدا. وسىنداي جاعدايدا ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە، ٴسوز جوق، ٴتۇرلى حاۋىپ ـ قاتەرلەرگە، سىن ـ سايىستارعا ۇيلەسىمدى توتەپ بەرىپ، وڭىرلىك قاقتىعىستاردىڭ ىقپالىن ٴونىمدى جەڭىپ، بىرگە قۇراتىن ەلدەردىڭ تابىس سەزىمىن كۇشەيتۋ مەن وزىمىزگە پايدالى بولۋعا تاباندى بولۋدىڭ قاتىناسىن دۇرىس ٴبىر جاقتى ەتىپ، ەلىمىزدىڭ شەتەلدەگى مۇددە حاۋىپسىزدىگىن شىنايى قامتاماسىز ەتۋ كەرەك.

شي جينپيڭ بىلاي دەپ اتاپ كورسەتتى: ”ٴبىر بەلدەۋ، ٴبىر جولدى“ بىرگە قۇرۋ جوعارى ساپالى دامۋدىڭ جاڭا كەزەڭىنە ٴوتتى. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قۇرىپ، ادامزات تاعدىرلاس ورتاق تۇلعا تۋىن بيىك ۇستاپ، بىرگە اقىلداسۋ، بىرگە قۇرۋ، بىرگە يگىلىكتەنۋ، اشىق، جاسىل، كىرشىكسىز بولۋ، جوعارى ولشەمدى، حالىق تۇرمىسىنا ٴتيىمدى، باياندى بولۋ سىندى جەتەكشى پرينسيپكە تاباندى بولىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ 8 ٴتۇرلى ارەكەتىن جەتەكشى، ٴوزارا ۇلاستىرۋ، تۇتاستىرۋدى نەگىزگى جەلى ەتىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴوزارا ۇشتاستىرۋعا، ۇكىمەت جەتەكشىلىك ەتۋ مەن بازار ارقىلى جۇمىس جۇرگىزۋدى ٴوزارا ۇشتاستىرۋعا، عىلمي ورنالاسىم مەن يكەمدى ساپالىلاندىرۋدى ٴوزارا ۇشتاستىرۋعا، مولشەردىڭ ارتۋى مەن ساپانىڭ جوعارىلاۋىن ٴوزارا ۇشتاستىرۋعا تاباندى بولىپ، نەگىزدىك قۇرىلعىلار سىندى ”قاتتى بولشەكتەردىڭ ۇلاستىرىلۋىن“، ەرەجە، ولشەم سىندى ”جۇمساق بولشەكتەردىڭ ۇلاستىرىلۋىن“ جانە بىرگە قۇراتىن ەلدەر حالقىنىڭ ”جۇرەكتەرىنىڭ توعىسۋىن“ تەرەڭدەتۋدى ٴبىر تۇتاس جوسپارلاپ، بەلگى سيپاتتى كەلەلى ينجەنەريالاردى جانە ”شاعىن ٴارى كوركەم“ حالىق تۇرمىسى نىسانى قۇرىلىسىن ىلگەرىلەتۋدى ٴبىر تۇتاس جوسپارلاپ، ٴداستۇرلى سالاداعى سەلبەستىكتى بەكەمدەۋدى جانە جاڭادان گۇلدەنگەن سالالارداعى سەلبەستىكتى ورنىقتى كەڭەيتۋدى ٴبىر تۇتاس جوسپارلاپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋ مەحانيزمىن كەمەلدەندىرىپ، اناعۇرلىم جوعارى دەڭگەيدەگى، اناعۇرلىم سەرپىمدى، اناعۇرلىم باياندى تەڭ يگىلىكتەنىپ دامۋ جاڭا ٴورىسىن ۇزدىكسىز كەڭەيتۋ كەرەك.

شي جينپيڭ بىلاي دەپ باسا دارىپتەدى: ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ مەحانيزمى قۇرىلىسىن ٴتۇيىندى ىلگەرىلەتىپ، ”ٴبىر بەلدەۋ، ٴبىر جولدى“ بىرگە قۇرۋ سەلبەستىك جوباسىن ٴبىر تۇتاس جوسپارلاپ باسقارۋ مەحانيزمىن كەمەلدەندىرىپ، ”قاتتى بولشەكتەردىڭ ۇلاستىرىلۋىن“، ”جۇمساق بولشەكتەردىڭ ۇلاستىرىلۋىن“، ”جۇرەكتەردىڭ توعىسۋىن“ سايكەسە ىلگەرىلەتۋ مەحانيزمىن كەمەلدەندىرىپ، كاسىپ سالاسى تىزبەگىندەگى، قامداۋ تىزبەگىندەگى ناقتى ىستەر سەلبەستىگى مەحانيزمىن كەمەلدەندىرىپ، جاڭادان گۇلدەنگەن سالاداعى حالىقارالىق اۋىس ـ كۇيىس، سەلبەستىك جاساۋ مەحانيزمىن كەمەلدەندىرىپ، قارجى قوسۋ، قارجى قۇراۋدىڭ كوپ نەگىزدەنۋىن قامتاماسىز ەتۋ مەحانيزمىن كەمەلدەندىرىپ، حاۋىپ ـ قاتەرلەردەن ساقتانۋ جانە ونى تىزگىندەۋدەگى ٴىش پەن سىرتتىڭ سايكەسۋ مەحانيزمىن كەمەلدەندىرىپ، شەتەلدەگى مۇددەنى قامتاماسىز ەتۋ مەحانيزمىن كەمەلدەندىرىپ، جوعارى دەڭگەيدەگى حالىقارالىق تاراتۋ مەحانيزمىن كەمەلدەندىرىپ، كىرشىكسىز جىبەك جولى سەلبەستىك مەحانيزمىن كەمەلدەندىرىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ ورنىقتى قاداممەن الىسقا جەتۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: ٴبىر جوبانى سوڭىنا دەيىن جالعاستىرۋعا، ٴبىرىن ـ بىرىنە جالعاپ ىستەۋگە تاباندى بولىپ، ٴتۇرلى حاۋىپ ـ قاتەرلەردى، سىن ـ سايىستاردى جۇرەكتىلىكپەن جەڭىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى بۇلجىماي ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋ كەرەك.

ديڭ شۋەشياڭ ٴماجىلىستى باسقارعان كەزدە مىنالاردى ٴبىلدىردى: باس شۋجي شي جينپيڭنىڭ ماڭىزدى سوزىندە ”ٴبىر بەلدەۋ، ٴبىر جولدى“ بىرگە قۇرۋدا قول جەتكىزگەن كەلەلى تابىستار تولىق تۇراقتاندىرىلىپ، كەزەكتە جانە مۇنان بىلايعى ٴبىر مەزگىلدە ”ٴبىر بەلدەۋ، ٴبىر جولدى“ بىرگە قۇرۋدى جوعارى ساپالى دامىتۋدى ىلگەرىلەتۋگە جاپپاي ورنالاستىرۋ جاسالدى. باس شۋجيدىڭ ماڭىزدى ٴسوزىنىڭ ويى ورەلى، يدەياسى تەرەڭ، بايىمداۋى سىندارلى، مازمۇنى باي بولىپ، كەلەسى التىن 10 جىلدا ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەپ، العا باسۋ بەتالىسىن كورسەتىپ بەردى، ٴبىز مۇقيات ۇيرەنىپ، ٴتۇسىنىپ، باتىل دايەكتىلەندىرۋىمىز، تياناقتاندىرۋىمىز كەرەك. وڭىرلەر، تاراۋلار، ورىندار ستراتەگيالىق ويدى، حاۋىپسىزدىك تانىمىن، جۇيە كوزقاراسىن، حالىقارالىق كوز ايانى ۇزدىكسىز كۇشەيتىپ، جۇيەلىلەندىرۋدى، مەحانيزمدەندىرۋدى ىلگەرىلەتۋدى ماڭىزدى ٴتۇيىن ەتىپ، جوعارى دەڭگەيدە جوبالاۋدى ۇزدىكسىز كەمەلدەندىرىپ، ناقتى ىستەۋ شارالارىن بەلگىلەپ، سىرتقى سەلبەستىكتى تەرەڭدەتىپ، ٴبىر توپ ايتا قالسىن، سالماعى بار سەلبەستىك ماركالارىن كۇش سالا جەتىلدىرىپ، اناعۇرلىم كوپ ۇلگى كورسەتۋ سيپاتتى، جەتەكشىلىك سيپاتتى كەلەلى جەتىستىكتەردى قالىپتاستىرىپ، اناعۇرلىم جوعارى دەڭگەيدەگى، اناعۇرلىم سەرپىمدى، اناعۇرلىم باياندى ”ٴبىر بەلدەۋ، ٴبىر جولدى“ بىرگە قۇرىپ، تەڭ يگىلىككە كەنەلىپ دامۋ جاڭا ٴورىسىن بىرگە اشۋى كەرەك.

ۋاڭ ي، حى ليفىڭ، ۋ جىڭلۇڭ اڭگىمە ماجىلىسىنە قاتىناستى.

”ٴبىر بەلدەۋ، ٴبىر جول“ قۇرىلىسىن ىلگەرىلەتۋ قىزمەتى باسشىلىق گرۋپپاسىنا مۇشە ورىندارداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ٴارقايسى ولكە، اۆتونوميالى رايون، توتە قاراستى قالالارداعى جانە شينجياڭ ٴوندىرىس ـ قۇرىلىس بيڭتۋانىنداعى ”ٴبىر بەلدەۋ، ٴبىر جول“ قۇرىلىسىن ىلگەرىلەتۋ قىزمەتى باسشىلىق گرۋپپاسىنىڭ نەگىزگى جاۋاپتى جولداستارى، قاتىستى كاسىپورىنداردىڭ جاۋاپتىلارى، مامان ـ وقىمىستىلاردىڭ ۋاكىلدەرى، ت . ب اڭگىمە ماجىلىسىنە قاتىناستى.