جياڭسۋ - ىلە سۇيىسپەنشىلىگى 2025 - جىلعى ىلە وبلىسىنىڭ 10 - كەزەكتى حالىقتىق كوركەمونەر كوكتەم مەرەكەسى بىرلەسكەن ساۋىق كەشى وتكىزىلدى
بەتاشار ءبي «التىن جىلانمەن كوكتەمدى قارسى الۋ» ياڭ جيڭ - ي فوتوسى
تىلشىلەرىمىز ياڭ جيڭ ـ ي، جاڭ لياڭ حابارلايدى. 1 - ايدىڭ 16 - كۇنى ”جياڭسۋ - ىلە سۇيىسپەنشىلىگى 2025 - جىلعى ىلە وبلىسىنىڭ 10 - كەزەكتى حالىقتىق كوركەمونەر كوكتەم مەرەكەسى بىرلەسكەن ساۋىق كەشى جانە شينجياڭ حالىق كوركەمونەرى ماۋسىمى ىلە وبلىسىنىڭ تاڭداۋلى كونسەرت نومىرلەرى بايقاۋى“ ىلە تەاترحاناسىندا وتكىزىلىپ، قالىڭ كورەرمەندەرگە قويۋ جەرگىلىكتى ەرەكشەلىك پەن ٴداۋىر تىنىسىنا تولى مادەنيەت سالتاناتىن سيلادى.
ساۋىق كەشتى جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى، ىلە وبلىستىق پارتكومنىڭ ۇگىت ٴبولىمى، ىلە وبلىستىق ادەبيەت - كوركەمونەرشىلەر بىرلەستىگى، ىلە وبلىستىق مادەنيەت، راديو - تەلەۆيزيا جانە ساياحات مەكەمەسى ۇيىمداستىرعان، ىلە وبلىستىق مادەنيەت سارايى قاتارلى ورىندار ۇستىنە الىپ وتكىزگەن. ساۋىق كەش ”التىن جىلان كوكتەم مەرەكەسىن قارسى الدى“ دەگەن بيمەن شىمىلدىعىن اشتى، بيشىلەردىڭ ويناقى ٴبيى مايداندى دۋمانعا بولەدى.
ساۋىق كەش جيىنى 3 بولىمگە ٴبولىندى. 1 - ٴبولىم، ”ٴداۋىردىڭ شۇعىلالى داستانى“. «ەسكە الۋ . مۇراگەرلىك» دەگەن مازمۇندا اسقاق تا تەبىندى ٴارى تەرەڭ سۇيىسپەنشىلىككە تولى ٴبي ارەكەتى ارقىلى كورەرمەندەرگە باستان وتكەندەرىن، توڭكەرىستىك اعا بۋىنداردى ساعىنا ەسكە الدىرىپ، قىزىل گەندى جالعاستىرۋعا باستادى؛ «شەلپەكتىڭ حوش ٴيىسى اڭقىعان باقىت» اتتى بيدە تۇرمىستىڭ مەيىرىمدىلىگى، جاراسىمدىلىعى بەينەلەندى، بۇل قويىلىم تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمىنداعى ىلە وبلىسىنىڭ تاڭداۋلى قويىلىم اتاعىنا يە بولىپ، قاراپايىم تۇرمىستاعى باقىتتىڭ شىن ٴمانىن ايگىلەدى؛ «توعىزتاراۋ قىسى» ٴانى شينجياڭعا كومەككە كەلگەن كادرلاردىڭ تۋىندىسى بولىپ، اسقاق اۋەن كورەرمەندەردى قار - مۇز قۇرسانعان بالالار ەرتەگىلەرى الەمىنە باستاپ، شينجياڭعا كومەككە كەلگەن كادرلاردىڭ ىلەگە دەگەن تەرەڭ سۇيىسپەنشىلىگىن بەينەلەدى. 2 - ٴبولىم، ”ٴبىزدىڭ شينجياڭ جاقسى جەر“. ارحۋدىڭ سۇيەمەلىمەن ورىندالعان «بايگە» كۇيىنىڭ ريتىمى اسقاق بولىپ، كورەرمەندەردى موڭعۇلكۇرەدەگى جاسىل جەلەك جامىلعان اسقار تاۋداعى مال فەرماسىنا باستاپ، تۇلپالاردىڭ تەڭدەسسىز تەبىنىن سەزىندىردى؛ «ىلە جىرلارى» ىلەنىڭ تاۋ - وزەندەرىنىڭ كوركەمدىگى مەن گۋمانيتارلىق حيكايالارىن تەرەڭ سۇيىسپەنشىلىكپەن باياندادى، بۇل ىلە حالقىنىڭ اتا مەكەنىنە دەگەن تەرەڭ سۇيىسپەنشىلىگى، سونداي - اق شينجياڭدى مادەنيەتپەن نارلەندىرۋدىڭ جاندى بەينەلەنۋى بولدى؛ 3 - ٴبولىم، ”ارمان قۋعان كورىكتى مەكەن“. «تەاترلى ٴان»، ولەڭ دەكلاماتسياسى «وسى كەشتە ساحارانى ەسكە الدىم»، «بەللەننىڭ شاتتىق جىرى» سياقتى نومىرلەر ادامداردىڭ تاماشا تۇرمىسقا دەگەن تالپىنىسىن ايگىلەدى. ساۋىق كەش ٴان، ٴبي، مۋزيكا، كوزبايلاۋ ونەرى سياقتى كوپ ٴتۇرلى كوركەمونەر فورماسىن قامتىپ، ىلە وبلىسىنىڭ باي حالىقتىق كوركەمونەر بايلىعى مەن تەرەڭ مادەنيەت نەگىزىن ايگىلەۋمەن بىرگە، جياڭسۋ مەن ىلە ەكى جەردىڭ مادەنيەت اۋىس - كۇيىسى مەن توعىسۋىن ايگىلەدى.
ۇرىمجىدەن كەلگەن ىلەنىڭ تۋماسى ٴانشى ۋاڭ حۋا: ”2025 ـ جىلى تۇڭعىش رەت كورىكتى مەكەنىمە قايتىپ كەلىپ، اتا مەكەن ساحناسىندا ٴان ايتۋدى ارمانداپ كەلگەن ەدىم“ دەدى. ول ايتقان «كوكتەمگى بالەت» ۇمىتكە ۋاكىلدىك ەتەدى ٴارى جاڭا ٴبىر جىلدا ىلە حالقىنىڭ تۇرمىسىنىڭ بارعان سايىن جاقسارۋىن تىلەدى. «شەلپەكتىڭ حوش ٴيىسى اڭقىعان باقىت» ٴبيىنىڭ ارتيسى ديڭ حۇيشين قۋانىشپەن بىلاي دەدى: ”ٴبي سىبە ۇلتى بۇقاراسىنىڭ ەگىس جۇمىسىنىڭ سايابىر كەزىندە شەلپەك جاساپ، قامىر يلەگەن كورىنىسى اقىلى كوڭىلدى دە تاماشا تۇرمىستى ايگىلەيدى“.
كورەرمەن ۋاڭ شياۋجۇي بىلاي دەدى: ”ساۋىق كەش نومىرلەرى ەرەكشە تارتىمدى، ٴاربىر ويىن ٴنومىرى قويۋ مەرەكەلىك تۇسكە ەنىپ، ادامدارعا شاتتىق سيلادى“ - دەدى. قالا تۇرعىنى ليۋ حايرۇڭ وتباسىنداعىلارىمەن بىرگە ساۋىق كەشتى تاماشالادى، مۇنىڭ ىشىندە جوعارى داۋىستى ايەل ٴانشىنىڭ ٴانى وعان تەرەڭ اسەر قالدىرىپتى.
بۇل رەتكى ساۋىق كەش ٴبىر رەتكى كورۋ، ەستۋ سالتاناتى عانا ەمەس، ٴبىر رەتكى مادەنيەتتىڭ جالعاسۋى مەن دامۋدىڭ جاندى امالياتى رەتىندە جاڭا ٴبىر جىلعا تاسقىنداعان ومىرشەڭدىك كۇش پەن ٴۇمىت باعىشتادى.