ەرىكتى تىلشىلەر ۋاڭ حايلي، لي يانرۇڭ حابارلايدى. ٴتىلشى قورعاس اۋدانى چيڭشۇيحى قالاشىعى ارگۇڭ جاڭا قىستاعىنىڭ گۇل بازارىنا بارعاندا حوش ٴيىسى اڭقىعان، كوزدىڭ جاۋىن الاتىن ٴتۇرلى گۇل - شوپتەردى الارمانداردىڭ ارالاي ٴجۇرىپ، ۇناتقان گۇلدەرىن مۇقيات تاڭداپ الىپ جاتقانىن كوردى.

سوڭعى جىلدارى ارگۇڭ جاڭا قىستاعىنىڭ ”ەكى كوميتەتى“ مەن ىلە وبلىستىق ۇكىمەت كەڭسەسىنىڭ وسى قىستاقتا تۇراتىن قىزمەت اترەتى ەگىنشىلەردىڭ ۋيلان، مۋدان سياقتى ەكونوميكالىق ونىمدىلىگى جوعارى، بازاردا سۇرانىسقا يە گۇل - ٴشوپ سورتتارىن ەنگىزۋىنە كومەكتەستى ٴارى كاسىپتىك - تەحنيكالىق قىزمەتكەرلەردى گۇل بۇتاۋ، تىڭايتقىش بەرۋ، سۋارۋ، باپتاۋ، تەكشەگە كوشىرۋ سياقتى تەحنيكالىق كۋرستار اشۋعا مەرزىم بويىنشا ورىستەتۋگە ۇسىنىس ەتىپ، گۇل - ٴشوپتىڭ قاتارعا قوسىلۋ مولشەرى مەن ساپاسىن جوعارىلاتتى. 2024 ـ جىلدان بەرى 43 مىڭ تۇپتەن استام ٴتۇرلى گۇل ـ ٴشوپ ساتىلىپ، ساتىلۋ سوماسى 720 مىڭ يۋانعا جەتىپ، 6 قىستاق تۇرعىنىن ورنىقتى جۇمىستانۋعا جەتەكتەپ، ادام باسىندىق ايلىق كىرىستى 3000 يۋانعا جەتكىزدى.

سۋرەتتە: الارماندار گۇل - ٴشوپ تاڭداۋدا.   ۋاڭ حايلي فوتوسى