ٴتىلشىمىز شى  شۋەحۇڭ حابارلايدى. پارتيا 20 - قۇرىلتايى جەڭىسپەن اشىلدى، ىلە وبلىسنداعى دەنساۋلىق ساقتاۋ، سالاماتتىق جۇيەسىندەگى پارتيالى كاردرلار قۇرىلتايدىڭ اشىلۋ سالتاناتىن تىڭداپ، كورگەننەن كەيىن قىزۋ اڭىس ٴبىلدىردى. كوپشىلىك ٴبىر اۋىزدان بىلاي دەدى: پارتيا 20 - قۇرىلتايى بايانداماسىنىڭ رۋحاني ٴمانى مەن باي مازمۇنىن مۇقيات ۇيرەنىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن جەدەل بىرلىككە كەلتىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتەمىز.

«پارتيا 20 - قۇرىلتايىنىڭ بايانداماسى كىسىنى جەلپىندىرىپ، ەكپىندەي ىلگەرىلەۋگە جىگەرلەندىرەدى، مەن تەرەڭ شابىت الدىم». وبلىستىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى يلحام مىجيت بىلاي دەدى: «قازىرگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ قاتاڭ دا كۇردەلى جاعدايىندا ىندەتكە قارسى اتتانۋ ۇلى رۋحىن ساۋلەلەندىرىپ، پارتيا 20 - قۇرىلتايىنىڭ بايانداماسىندا العا قويىلعان نىسانا - تالاپتاردى تىعىز ارقاۋ ەتىپ، زاڭ بويىنشا، عىلمي، دالمە - ٴدال شارا قولدانۋدى ولشەم ەتىپ، ىندەتتەن ساقتانۋ - تىزگىندەۋ تورىن بەكەمدەپ، ٴتۇرلى ساقتانۋ - تىزگىندەۋ شارالارىن تياناقتاندىرىپ، ىندەتتەن ساقتانۋ - تىزگىندەۋ مەن ەمدەۋگە قىزمەت وتەۋدى ٴبىر تۇتاس جوسپارلاپ، ويداعىداي ىستەيمىز».

وسى رەت ىندەت تۋىلعاننان بەرى، وبلىستىق دوستىق شيپاحاناسى كوكىرەك اۋرۋلارى ورتالىعى جۇرەك قان - تامىرلارىن ەمدەۋ ٴبولىمىنىڭ مەڭگەرۋشىسى ليۋ پۋ ەمدەۋ قوسىنىن باستاپ 50 دەن استام وپەراتسيانى ٴساتتى جاساپ، قاتەرلى، سالماقتى جۇرەك ناۋقاسىنا شالدىققان 50 دەن استام ناۋقاستىڭ ٴومىرىن قۇتقارىپ قالدى.

«پارتيا 20 - قۇرىلتايىنىڭ اشىلۋ سالتاناتىن كورگەننەن كەيىن، ۇلى جۇڭگو كوممۋنيستىك پارتياسىنىڭ، ۇلى وتاننىڭ قول جەتكىزگەن ٴتۇرلى تابىستارىن ماقتانىش ەتتىم جانە وعان قۋاندىم». ليۋ پۋ بىلاي دەدى: «شيپاگەر رەتىندە، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ىندەت الدىنا جاسقانباي، شەگىنشەكتەمەي، قاتەرلى، سالماقتى ناۋقاستاردى قۇتقارۋ جاعىندا ٴوز ەرەكشەلىگىمدى ساۋلەلەندىرىپ، اتويلاپ الدا ٴجۇرىپ، قاتەرلى، سالماقتى ناۋقاستاردى بەلسەنە قۇتقارىپ، ٴىس جۇزىندىك ارەكەتىم ارقىلى پارتيا مۇشەسىندىك اۋەلگى ماقساتىمدا، شيپاگەرلىك بورىشىمدا تاباندى بولامىن».

«پارتيامىز ۇلى كۇرەس جاساپ، عاسىرلىق ۇلى ٴىس جاراتتى، جاڭا ۇلى كۇرەسپەن جاڭا ۇلى ىستەردى تىندىرا الاتىندىعى دا ٴسوزسىز». قۇلجا قالالىق 2 - حالىق شيپاحاناسى پارتيا ياچەيكاسىنىڭ شۋجيى چىن حاۋ بىلاي دەدى: «پارتيا 20 - قۇرىلتايىنىڭ بايانداماسى جىگەردى تاسقىنداتىپ، جاندى جەلپىندىردى، اسىرەسە، سالاماتتى جۇڭگو قۇرىلىسىن ىلگەرىلەتۋگە ايقىن باعدار بەلگىلەدى. پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ٴتۇرلى ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە تاباندى بولىپ، ىندەتپەن شايقاسۋ بارىسىندا ۇزدىكسىز ىرىقتىلىقپەن ٴىس تىندىرىپ، بەلسەنە ىسكەرلىك كورسەتەمىن. <يكەمدى نولگە ٴتۇسىرۋ> باس باعىتىنا تاباندى بولىپ، <حالىقتى  بارىنەن جوعارى قويۋ، ٴومىردى بارىنەن جوعارى قويۋ> ۇستانىمىن ۇزدىكسىز امالياتتا ايگىلەپ، كەزەكتەگى ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، ەمدەۋ، ٴدارى - دارمەك، دەنساۋلىق ساقتاۋ ٴتۇزىلىسى رەفورماسىن ۇزدىكسىز ىلگەرىلەتىپ، حالىق بۇقاراسىنىڭ دەنساۋلىق اقاۋسىزدىعى مەن ٴومىرىنىڭ حاۋىپسىزدىگىن كۇش سالا قامتاماسىزداندىرىپ، ٴار ۇلت بۇقاراسى سالاماتتىعىنىڭ ناعىز قورعاۋشىسى بولامىن».