پارتيانىڭ 20 - قۇرىلتايى جەڭىسپەن جابىلدى

ىلە وبلىسىنداعى پارتيالى كادرلار تاسقىنداعان سەنىممەن، بولاشاققا بەت الدى

ٴتىلشىمىز حان شاشا حابارلايدى. اۋەلگى ماقسات، داڭق، ارمان جولىندا بورىش ارقالادى؛ كەشە دە، بۇگىن دە، بولاشاققا دا سەنىم تاسقىندادى. 10 - ايدىڭ 22 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى ٴتۇرلى كۇن تارتىپتەرىن تولىق ورىنداپ، جەڭىسپەن جابىلدى. پارتيانىڭ 20 - قۇرىلتايىندا جاسالعان جوبا جۇرتتى ەكپىندەي ىلگەرىلەۋگە جىگەرلەندىردى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالدى. ىلە وبلىسىنداعى پارتيالى كادرلار شاتتانا قۋانىشقا بولەنىپ، بولاشاققا زور ٴۇمىت ارتتى.

«پارتيانىڭ 20 - قۇرىلتايى جەڭىسپەن جابىلدى، بۇل جولعى سالتاناتتى جينالىس جاندى جەلپىندىرىپ، ادامدى ەكپىندەي العا ىلگەرىلەۋگە شابىتتاندىردى!» ىلە وبلىستىق شۇعىل جاعدايعا توتەپ بەرۋدى باسقارۋ مەكەمەسى پارتكومىنىڭ شۋجيى، ورىنباسار مەكەمە باستىعى يۇي باۋجياڭ بىلاي دەدى: «بايانداما شۇعىل جاعدايعا توتەپ بەرۋدى باسقارۋ قىزمەتىنە جاڭا نىسانا بەلگىلەپ، جاڭا مىندەتتەردى ايقىندادى، جاڭا تالاپتاردى العا قويدى. شۇعىل جاعدايعا توتەپ بەرۋدى باسقارۋ جۇيەسىندەگى پارتيالى باسشى كادر رەتىندە مەنىڭ كەزەكتەگى جانە بۇدان بىلايعى باستى قىزمەتىم − جۇيەدەگى پارتيالى كادرلاردى ىنتىماقتاستىرىپ، ۇيىستىرىپ، ىنتالاندىرىپ، باس شۋجي شي جينپيڭنىڭ <پارتياعا ادال بولۋ، ٴتارتىپتى قاتايتۋ، وتتان، سۋدان تايىنباۋ، حالىققا شىن پەيىلمەن قىزمەت ەتۋ> دەگەن ٴتالىمىنىڭ رۋحىن ەستە بەرىك ساقتاپ، <حالىقتى بارىنەن جوعارى قويۋعا، ٴومىردى بارىنەن جوعارى قويۋعا> باستان - اياق تاباندى بولىپ، ەڭ باتىل پوزيتسيامەن، ەڭ قاتاڭ شارامەن، ەڭ بەرىك ستيلمەن ەلەۋلى حاۋىپسىزدىك حاۋىپ - قاتەرلەرىنەن ساقتانۋدى جانە ونى جويۋدى بوساڭسىتپاي مىقتاپ يگەرىپ، <قاشان دا قام جەپ تۇراتىن> جاۋاپكەرشىلىك سەزىممەن حالىق بۇقاراسىنىڭ ادال قورعاۋشىسى بولىپ، حالىقتىڭ <كۇزەتشىسى> بولىپ، جاڭا داۋىردەگى شۇعىل جاعدايعا توتەپ بەرۋ - باسقارۋ، ٴوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ قىزمەتتەرىنىڭ تىڭ ساتىعا كوتەرىلۋىن ۇزدىكسىز ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزۋ».

ىلە وبلىستىق ٴان - ٴبي تەاترحاناسىنىڭ ورىنباسار باستىعى جوۋ شيۇڭبياۋ بىلاي دەدى: «پارتيانىڭ 20 - قۇرىلتايى جاڭا داۋىردە ەكپىندەي ىلگەرىلەۋدىڭ دابىلىن قاقتى، اۋەلى، جاڭا جورىقتىڭ تىڭ داستانىن جازۋدىڭ ارەكەت باعدارناماسىن ازىرلەدى. 20 - قۇرىلتايدىڭ بايانداماسىندا «جۇڭحۋا مادەنيەتى تۇرعىسىنا تاباندى بولىپ، جۇڭگو حيكاياسىن ويداعىداي بايانداپ، جۇڭگو ٴۇنىن جاقسى تاراتىپ، سەنىمدى، ۇنامدى، قۇرمەتتى جۇڭگو وبرازىن ايگىلەۋ» ورتاعا قويىلدى. جاڭا داۋىردەگى پارتيانىڭ ادەبيەت - كوركەمونەر قىزمەتكەرى رەتىندە ٴبىز جۇڭحۋا مادەنيەتى تۇرعىسىندا بەرىك تۇرىپ، مادەنيەت سەنىمىمىزدى كۇشەيتىپ، باس شۋجي شي جينپيڭنىڭ بايانداماسىنداعى جاڭا تالاپ، جاڭا ورنالاستىرۋلار بويىنشا، ىلە قىزمەتىنىڭ ٴىس جۇزىندىگىن تياناق ەتىپ، حالىقتى وزەك ەتكەن جاسامپازدىق بەتالىسىنا تاباندى بولىپ، جۇڭحۋا وركەنيەتىنىڭ تارالۋ قۋاتىن، ىقپال كۇشىن نىعايتىپ، بۇقارانىڭ قاجەتىنە اناعۇرلىم ۇيلەسەتىن، اناعۇرلىم كوپ، اناعۇرلىم جاقسى كوركەمونەر تۋىندىلارىن جاراتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا، سوتسياليستىك مادەنيەتتىڭ جاڭا شۇعىلاسىن سومداۋعا، ەكىنشى 100 جىلدىق كۇرەس نىساناسىن ەرتەرەك جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتىمىزدى ارنايمىز!»

«20 - قۇرىلتاي بايانداماسى − ماركسيزم اقيقاتى شۇعىلا شاشقان باعدارنامالىق قۇجات ٴارى جۇڭگو كوممۋنيستەرىنىڭ جاڭا ٴداۋىر، جاڭا جورىقتاعى جارناماسى». ىلە شينحۋا كىتاپ دۇكەنى وقۋلىق تاراتۋ ٴبولىمى باستاۋىش مەكتەپتەر ٴبولىمىنىڭ جاۋاپتىسى شان كىميڭ بىلاي دەدى: «بۇدان بىلاي پارتيا 20 - قۇرىلتايىنىڭ رۋحىن قىزمەتتىڭ تۇتاس بارىسىنا، ٴار جاعىنا ٴسىڭىرىپ، ماڭگى بوساڭسىمايتىن جىگەرمەن، العان بەتتەن قايتپايتىن تەبىنمەن اۋەلگى ماقساتتى، بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، الدا ٴجۇرىپ، ۇلگى كورسەتىپ، وقىمىستىلار ورداسى بولعان ىلە قۇرۋعا تىڭ ۇلەس قوسامىن».