− شينجياڭ ۋاكىلدەرىنىڭ پارتيا 20 - قۇرىلتايىنىڭ جابىلۋ جينالىسىنا قاتىناسقاندىعى جونىندە وچەرك

شينجياڭ گازەتىنىڭ ٴتىلشىسى ليۋ شياڭ حابارلايدى. «جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا اسقاق جىگەرمەن قايراتتانا ۇمتىلىپ، باتىلدىقپەن العا باسامىز»! 10 - ايدىڭ 22 - كۇنى تۇستەن بۇرىن پارتيا 20 - قۇرىلتايىنىڭ جابىلۋ ٴماجىلىسى الاڭىنا قادام تاستاعان شينجياڭ ۋاكىلدەر ۇيىرمەسىنىڭ ۋاكىلدەرى اسقاق سەزىممەن كوڭىل سىرلارىن شەرتتى.

وتكەن ٴبىر اپتادا ۋاكىلدەر ناتيجەلەردى قورىتىندىلاپ، باياندامانى تالقىلاپ، ۇلى جوبانى كەسكىندەدى... كوپشىلىك اناعۇرلىم شۇعىلالى دا تاماشا بولاشاق ٴۇشىن ويدى ٴبىر اراعا شوعىرلاندىرىپ، كۇشتى ٴبىر اراعا جۇمسادى.

قۇرىلتايدىڭ ٴتۇرلى كەڭەستىك تارتىپتەرىنىڭ ورىندالۋىمەن شاتىرلاعان شاپالاق ٴۇنى ىركەس - تىركەس كوتەرىلىپ، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جەڭىسپەن جابىلدى.

ارشىندى قاداممەن ٴماجىلىس الاڭىنان شىققان ۋاكىلدەردىڭ قۋانىشى، سەنىمى، ارمان - تىلەگى جۇزدەرىنەن مەن مۇندالاپ تۇردى. كوسىلە اڭگىمەلەسۋ بارىسىندا ۇلى نىسانا ٴۇشىن تالىقپاي كۇرەس جۇرگىزەتىن كوكەي تەستى كوڭىل كۇيلەرى اينىعىسىز ايگىلەنىپ تۇردى.

جورىق قانشالىقتى ايبىندى بولعان سايىن، جول باستايتىن كۇشتى سونشالىقتى قاجەت ەتەدى.

«قۇرىلتايدىڭ جەڭىسپەن جابىلۋى پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ اتتانىسقا كەلتىرۋ بۇيرىعى سانالادى». ۋاكىل ليۋ چىن بىلاي دەدى: كوپ ٴتۇرلى تاسىلمەن شينجياڭنىڭ ٴىس جۇزىندىك جاعدايىمەن بىرلەستىرىپ، ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، تياناقتاندىرىپ، پارتيا 20 - قۇرىلتايى كەسكىندەگەن تاماشا جوبانى بىرتىندەپ جۇزەگە اسىرامىز.

ۋاكىل قايسار قيۇم مىنالاردى ٴبىلدىردى: پارتيا 20 - قۇرىلتايىنىڭ رۋحىن سانالىلىقپەن جەتە ۇيرەنىپ، جەتە ٴتۇسىنىپ، ارەكەتكە اينالدىرىپ، ونىمدىلىگىن كورسەتىپ، جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا جەڭىسىنە ۇزدىكسىز قول جەتكىزۋگە شينجياڭ كۇشىن قوسامىز.پارتيا 20 - قۇرىلتايى جاڭا داۋىردە ەكپىندەي ىلگەرىلەۋدىڭ ۇندەۋىن شىعانداتتى، ٴتىپتى، جاڭا جورىقتا جاڭا تاراۋ جازۋعا ارەكەت باعدارناماسىن ازىرلەپ بەردى.

ۋاكىل ورازالى قاشقارباي بىلاي دەدى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى، تياناقتاندىرۋدى باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىمەن ۇشتاستىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋ بورىشىن، مىندەتىن مىقتاپ يگەرىپ، سىرتقا ەسىك اشۋ دەڭگەيىن ۇزدىكسىز جوعارىلاتىپ، جاڭا دامۋ ارناسىن جەدەل قالىپتاستىرىپ، وسىزاماندانعان بازار جۇيەسىن ورناتىپ، حالىق تۇرمىسىمەن تىعىز جاناستىرا وتىرىپ جوعارى ساپالى دامۋدى ىلگەرىلەتەمىز.

كوپ جىلدان بەرى تەحنيكالىق جۇمىسشى بولىپ كەلگەن ۋاكىل ٴراشيلا راحات ٴوندىرىستىڭ الدىڭعى شەبىنە تەرەڭ تامىر تارتقان. كاسىپتىك قابىلەتى كورنەكتى بولعاندىقتان، سەرىكتەستىك ونىڭ اتىندا شەبەر ۇستا قىزمەت كەڭسەسىن قۇردى. «جۇمىسشىلاردىڭ شەبەرلىگىمەن وتاننىڭ ٴۇمىتىن اقتايتىن ساحنانىڭ بارعان سايىن كەڭەيە تۇسەتىندىگىنە، جۇڭگو ۇلگىسىندەگى وسىزامانداندىرۋ جولىنىڭ جۇرگەن سايىن كەڭەيە تۇسەتىندىگىنە كامىل سەنەمىن». ۋاكىل ٴراشيلا راحات بىلاي دەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى وراي ەتىپ، ۇستا رۋحىن بارىنشا اسقاقتاتىپ، دارىندىلاردى باۋلۋعا، شەبەرلەر قوسىنىن باستاۋعا ٴتىپتى زور كۇش سالامىن.

باستان - اياق حالىقتى بارىنەن جوعارى قويۋعا، حالىققا تامىر تارتۋعا تاباندى بولساق، قيىندىقتاردى جەڭىپ، قاجىرلىلىقپەن ىلگەرىلەپ، جەڭىسكە جەتپەي قويمايمىز.

ۇلتتىڭ گۇلدەنۋى ٴۇشىن، اۋىل - قىستاقتى، ٴسوز جوق، گۇلدەندىرۋ كەرەك. قىستاق پارتيا ياچەيكا شۋجيى، ۋاكىل حاۋ شياڭليدىڭ ويىنا قىستاقتىڭ مۇنان بىلايعى دامۋ جولى الدەقاشان كەسكىندەلىپ بولدى. «كەلەسى قادامدا، ٴبىز نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، بۇقارانىڭ اڭساعانىمەن، ويلاعانىمەن، كوكسەگەنىمەن تىعىز جاناستىرىپ، بارىنشا كۇش سالىپ، اۋىل - قىستاق ساياحات كاسىپ سالاسىن دامىتۋ جاعىندا ىشكى كومەسكى كۇشتى اشىپ، سىرتتا بىرىككەن كۇشتەردى ۇيىستىرىپ، قىستاق تۇرعىندارىن كىرىستەرىن ارتتىرىپ بايۋعا ۇزدىكسىز جەتەكتەپ، كەڭ - بايتاق اتىزدا اۋىل - قىستاقتى گۇلدەندىرۋدىڭ اسەم كارتيناسىن كەسكىندەيمىز» دەدى ۋاكىل حاۋ شياڭلي.

سالاماتتىق سان مىڭداعان وتباسىنىڭ باقىتىمەن بايلانىسقان، مەملەكەتتىڭ، ۇلتتىڭ بولاشاعىنا سايادى. 20 - قۇرىلتايدىڭ حالىقتىڭ سالاماتتىعىن قامتاماسىز ەتۋ جونىندەگى جاڭا ورىن تۇراقتاندىرۋىنان، جاڭا تالابىنان ۋاكىل ٴمۇياسسار نيجات ەمدەۋ قىزمەتكەرلەرىنىڭ جاڭا جاۋاپكەرشىلىگىن، جاڭا جاۋاپكەرشىلىك ارقالاۋىن تەرەڭ سەزىندى. «حالىقتىڭ ٴومىرىنىڭ حاۋىپسىزدىگى مەن دەنساۋلىعىن باستان - اياق ماڭداي الدى ورىنعا قويىپ، ەمدەۋ قىزمەتكەرلەرىنىڭ اۋەلگى ماقساتىنان، بورىشىنان اينىماي، ٴوزىمنىڭ ەمدەۋ قابىلەتىمدى ۇزدىكسىز ٴوسىرىپ، بار پەيىلىمدى سالىپ، مىندەتىمدى ادا ەتىپ، تاباندىلىقپەن ٴار ۇلت بۇقاراسىنىڭ دەنساۋلىعىن ٴتىپتى دە جاقسى قورعايمىن» دەدى ۋاكىل ٴمۇياسسار نيجات.

ارمان وسى ارادان تاعى باستالدى. تيان - انمىن الاڭىندا قىزىل تۋلار جەلبىرەدى؛ حالىق سارايىندا پارتيا گەربى جاينادى؛ نەشە مىڭ شاقىرىم الىستاعى شينجياڭنىڭ بايتاق دالاسىندا كۇن ساۋلەسى نۇرىن شاشىپ، قوڭىر سامال ەستى.