وبلىسقا توتە قاراستى ورىندارداعى ايەلدەر بىرلەستىگى جۇيەسىندەگى پارتيالى كادرلار پارتيا 20 - قۇرىلتايىنىڭ رۋحىن ۇيرەندى

ٴتىلشىمىز ما چىڭلۋ حابارلايدى. تاياۋ كۇندەردەن بەرى ىلە وبلىستىق ايەلدەر بىرلەستىگى بارشا پارتيالى كادرلاردى، ٴار ۇلت ايەلدەر قاۋىمىن تەلەۆيزوردان، قولفوننان پارتيا 20 - قۇرىلتايىنىڭ سالتاناتىن كورۋگە ۇيىمداستىرىپ، وزەكتى ۇيرەنۋ گرۋپپاسى باستاماشىلدىقپەن ۇيرەنۋ، پارتيا ياچەيكاسى جۇيەلى ۇيرەنۋ، پارتيالى كادرلار الدىمەن ۇيرەنۋ، قارت كادرلار «بۇلتتا» ۇيرەنۋ، ايەلدەر قاۋىمى اراسىندا كەڭىنەن ۇيرەنۋ ورىستەتۋ ارقىلى ينتەرنەت جەلىسىندە +  ينتەرنەت جەلىسىنەن تىس ۇيرەنۋ، ٴتۇپ نۇسقانى ۇيرەنۋ + پىسىقتاپ ۇيرەنۋ، ارناۋلى تاقىرىپتىق ۇيرەنۋ + زەرتتەپ - تالقىلاپ ۇيرەنۋ سياقتى فورمالارمەن باس شۋجي شي جينپيڭ جاساعان باياندامانى جانە قۇرىلتايدىڭ جابىلۋ سالتىندا سويلەنگەن ماڭىزدى ٴسوزىنىڭ رۋحىن مۇقيات ۇيرەندى.

وبلىستىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتورايىمى يۋان شاۋ - ۋي بىلاي دەدى: «پارتيا 20 - قۇرىلتايىندا العا قويىلعان <جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمدار رەفورماسىن جانە قۇرىلىسىن تەرەڭدەتىپ، كوپىرلىك، دانەكەرلىك رولىن ٴونىمدى ساۋلەلەندىرۋ>، <وتباسى، وتباسى تاربيەسى، وتباسى سالتى قۇرىلىسىن كۇشەيتۋ> مازمۇندارى جاڭا داۋىردەگى ايەلدەر قىزمەتى جونىندە ايقىن باعىت كورسەتىپ بەردى. وبلىسقا توتە قاراستى ورىندارداعى ايەلدەر بىرلەستىگى ۇيىمدارى <انار گۇلى اشىلىپ، تيانشاندى نۇرلاندىردى> ينجەنەرياسىن ىشكەرىلەي اتقارىپ، يدەيا - ساياسي جاقتا جەتەكشىلىك ەتۋ، ايەلدەر ٴىسىن دامىتۋ، وتباسى، وتباسى تاربيەسى، وتباسى سالتى قۇرىلىسى، ەر - ايەل تەڭدىگى سياقتى نەگىزگى مەملەكەت ساياساتىن تياناقتاندىرۋ، ۇقىق - مۇددەنى قورعاۋ، قامقورلىق جاساۋ جاقتارىنا ۇزدىكسىز كۇش سالىپ، <ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋدا> جارتى الەمدىك رولىن ساۋلەلەندىرىپ، ىلە وبلىسىنىڭ رەفورما، دامۋ، ورنىقتىلىق ىستەرىن ىلگەرىلەتۋگە جەلەكتىلەردىڭ كۇش - قۋاتىن قوسادى».

ىلە زىسۋليرىن بيو - تەحنيكالىق شەكتى سەرىكتەستىگىنىڭ باس جوراسى ياڭ جيانشين بىلاي دەدى: «حالىقتىق كاسىپورىن رەتىندە سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، وتاندى سۇيەتىن، كاسىپتى قاستەرلەيتىن، زاڭعا بويسۇنىپ، تيجارات جۇرگىزەتىن، كاسىپ اشىپ، جاڭالىق جاراتاتىن، قوعامنىڭ ٴۇمىتىن اقتايتىن ۇلگى بولىپ، قىزمەت ورنىن تياناق ەتىپ، تاعى دا تىڭ ناتيجە جاراتامىن. سونىمەن بىرگە، كاسىپورىندى ۇزدىك، الۋەتتى ەتىپ قۇرۋعا قۇلشىنىپ، وبلىسقا توتە قاراستى ورىنداردىڭ ەكونوميكاسى مەن قوعامىنىڭ جوعارى ساپالى دامۋىنا كۇش - قۋاتىمدى ارنايمىن».

شينجياڭ لانپاي مادەنيەت جاسامپازدىق كاسىبى شەكتى سەرىكتەستىگىنىڭ باس ديرەكتورى دۇڭ لان بىلاي دەدى: «پارتيانىڭ 20 - قۇرىلتايى ادامدى ەكپىندەي ىلگەرىلەۋگە شابىتتاندىرىپ، سەرپىلتەدى. مەن، ٴسوزجوق، سەنىمدى بەكەمدەپ، ىجداعاتتىلىقپەن، جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ جانە دامىتۋدى ىلگەرىلەتۋگە <مادەنيەت جاسامپازدىعى> قىزمەتكەرى بولۋ تۇرعىسىنان ٴبىر كىسىلىك ۇلەسىمدى قوسامىن».

مەملەكەتتىك «ۇزدىك نەگىزگى ساتى نازاريا ۇگىت - لەكسياشىسى» جانار نۇرمۇقان قىزى بىلاي دەدى: « مەن پارتيا 20 - قۇرىلتايىنىڭ رۋحىن مۇقيات ۇيرەنىپ، ٴتۇرلى فورما، كوپ ارنا ارقىلى ۇگىت - لەكسيانى جان - جاقتى ورىستەتىپ، نەگىزگى ساتىداعى بۇقارانىڭ نەنى ەڭ تىڭداعىسى كەلەتىنىن، نەگە ەڭ كوڭىل بولەتىنىن ىشكەرىلەي ۇعىسىپ، ۇگىت - لەكسيانى بۇقارا تۇرمىسىمەن اناعۇرلىم جاناستىرىپ، پارتيا 20 - قۇرىلتايىنىڭ رۋحىن اناعۇرلىم تاسقىنداعان ىنتامەن ويداعىداي ۇگىتتەيمىن، دايەكتىلەندىرەمىن، تياناقتاندىرامىن». 

قۇلجا قالالىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتورايىمى لي دۇڭلي بىلاي دەدى: «جاڭا باستامادا تۇرىپ، نەگىزگى ساتى ايەلدەر بىرلەستىگى كادرى رەتىندە ٴىس جۇزىندىكتى شىعار ٴتۇيىن ەتىپ، پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، پارتيانىڭ جاڭالىق اشۋ نازارياسى مەن ەكپىندەي ىلگەرىلەۋ جوباسىن بارلىق وتباسىلارىنا جەتكىزىپ، ٴار ۇلت ايەلدەر قاۋىمى كوكەيىنە ۇيالاتىپ، كوكىرەك تولى ساياسي قىزعىندىلىقپەن، تاماشا رۋحاني كۇيمەن قىزمەت ىستەپ، جاڭالىق اشىپ، قىزمەتتە تىڭ وبراز ايگىلەيمىن».

قۇلجا قالالىق ايەلدەر بىرلەستىگىنىڭ اتقارۋ القاسى، قازانشى ٴمالى باسقارماسى حالىق قۇرىلتايىنىڭ مەڭگەرۋشىسى ميھرىنسا توحتى بىلاي دەدى: «جەلەكتى ۇگىت - لەكسياشىسى رەتىندە مەن اۋەلگى ماقساتتان جازباي، حالىق تۇرعىسىنا تاباندى بولىپ، پارتيا مەن حالىقتىڭ مۇددەسىن قاي - قاشان دا ماڭداي الدى ورىنعا قويىپ، بۇقارا اراسىنا ۇزدىكسىز ىشكەرىلەي بارىپ، ەڭ قاراپايىم تىلمەن تاياۋ جىلدارداعى ماڭايىمىزداعى وراسان زور وزگەرىستەردى اڭگىمەلەپ، ٴار ۇلت بۇقاراسىن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە باستايمىن».