وبلىسقا توتە قاراستى ورىندارداعى مال شارۋاشىلىعى، مال شيپاگەرلىگى جۇيەسىندەگىلەر:

ساپالى مال شارۋاشىلىق ونىمدەرى كاسىپ شوعىرىن جەدەل قۇرامىز

ٴتىلشىمىز لۋ جۇڭ حابارلايدى. جاقىنعى كۇندەردەن بەرى ىلە وبلىسىنىڭ مال شارۋاشىلىعى، مال شيپاگەرلىگى جۇيەسىندەگى پارتيالى كادرلار پارتيا 20 - قۇرىلتايىنىڭ بايانداماسىن ىشكەرىلەي ۇيرەندى. كوپشىلىك جابال مىنانى ٴبىلدىردى: پارتيا 20 - قۇرىلتايى رۋحىنىڭ جەتەكشىلىگىندە، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەمىز.

 وبلىستىق مال شارۋاشىلىعى، مال شيپاگەرلىگى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى قۋانىشبەك نۇردان ۇلى بىلاي دەدى: «پارتيا 20 - قۇرىلتايىنىڭ بايانداماسىن تولىق، دۇرىس، ۇعىنىپ، كەڭ كولەمدە، ىشكەرىلەي، ويداعىداي ۇگىتتەپ، قاز - قالپىندا ويداعىداي دايەكتىلەندىرىپ، باس شۋجيدىڭ شينجياڭدى كوزدەن كەشىرگەندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋمەن ۇشتاستىرىپ، بۇكىل وبلىستاعى مال شارۋاشىلىعى، مال شيپاگەرلىگى جۇيەسىندەگى كادر، جۇمىسشى - قىزمەتشىلەردى ىنتىماقتاستىرىپ جانە باستاپ، حالىق تۇرمىسىمەن تىعىز جاناستىرا وتىرىپ مال شارۋاشىلىعىنىڭ جوعارى ساپالى دامۋىن جەبەۋگە تاباندى بولامىز، مال شارۋاشىلىعىنىڭ ساپا ونىمدىلىگى مەن باسەكەلىك قۋاتىن جوعارىلاتۋدى ارقاۋ ەتىپ، ەگىنشىلىك رايوندارداعى مال شارۋاشىلىعىن گۇلدەندىرۋ، دامىتۋدى تەتىك ەتىپ، جايىلىم مال شارۋاشىلىعىنىڭ تيپىن وزگەرتىپ، دارەجەسىن جوعارىلاتۋدى بەلسەنە ىلگەرىلەتىپ، ساپالى مال شارۋاشىلىعى ونىمدەرى كاسىپ سالاسى شوعىرىن جەدەل قۇرىپ، ٴوندىرىستى، ٴونىمدى، بۋىندى مىقتى يگەرۋدەن تىزبەكتى، كاسىپ سالاسىن، جۇيەنى مىقتى يگەرۋگە بۇرىلىس جاساپ، وبلىسقا توتە قاراستى ورىنداردىڭ مال شارۋاشىلىعى قىزمەتىندە ۇزدىكسىز جاڭا جاعداي اشامىز».

كۇنەس اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ مۇشەسى، مال شارۋاشىلىعىن، مال شيپاگەرلىگىن دامىتۋ ورتالىعىنىڭ مەڭگەرۋشىسى شالقار ساتاي ۇلى بىلاي دەدى: «10 جىلدان بەرى كۇنەس اۋدانىنىڭ مال شارۋاشىلىعى قارىشتاپ دامىپ، جالپىلىق قۋاتى ۇزدىكسىز نىعايىپ، مال شارۋاشىلىعىنىڭ ٴوندىرىس قۋاتى ورنىقتى ارتتى، مال تۇقىمىنىڭ، مال تابىنىنىڭ قۇرىلىمى اناعۇرلىم ساپالىلانىپ، مال شارۋاشىلىعىن كاسىپ سالالاندىرۋ ٴتارتىپتى ىلگەرىلەتىلىپ، ەكونوميكالىق ونىمدىلىگى كورنەكتى جوعارىلاپ، مال شارۋاشىلىعى اۋىل - قىستاقتى گۇلدەندىرۋگە دەم بەرەتىن، شارۋالاردىڭ كىرىسىن ارتتىرۋدى جەبەيتىن ماڭىزدى كاسىپ سالاسىنا اينالدى. ٴبىز جاڭا تاريحي باستامادا تۇرىپ پارتيا 20 - قۇرىلتايى بەلگىلەگەن ٴتۇرلى نىسانا - مىندەتتەردى تىعىز ارقاۋ ەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ٴۇشىن تىڭ دا اناعۇرلىم زور ۇلەس قوسامىز». 

 2010 - جىلى 9 - ايدا ما يۇيحۇي حىنان جىڭجوۋ مال شارۋاشىلىق ينجەنەرياسى جوعارى تەحنيكۋم مەكتەبىن بىتىرگەننەن كەيىن شينجياڭ اۋىل شارۋاشىلىق داشۋەسىنىڭ مال شيپاگەرلىك كاسىبىنەن ماگيسترلىك وقيدى. ول مال شيپاگەرلىگى كاسىبىنىڭ ماگيسترلىگىن وقىعان مەزگىلدە ىلگەرىندى - كەيىندى 3 رەت موڭعۇلكۇرە اۋدانىنا بارىپ، جىلقى جانە سيىر ۇلگىسىن توپتايدى. سول مەزگىلدە ول موڭعۇلكۇرە اۋدانىندا قالىپ قىزمەت ىستەۋ ويىنا كەلەدى. 2013 - جىلى 6 - ايدا ما يۇيحۇي اسپيرانتتىق وقۋىن بىتىرگەننەن كەيىن موڭعۇلكۇرە اۋداندىق مال شارۋاشىلىعى، مال شيپاگەرلىگى مەكەمەسىمەن ىرىقتىلىقپەن بايلانىس جاساپ، دارىندى ەنگىزۋ بويىنشا موڭعۇلكۇرە اۋدانىنا كەلىپ، جىلقى شارۋاشىلىعىن عىلمي زەرتتەۋ نىسانى قىزمەتىمەن شۇعىلدانادى. «جۇڭگوداعى <تۇلپار مەكەنىندە> مەن جاي ات قۇمار ادامنان جىلقى شارۋاشىلىعىن عىلمي زەرتتەۋ قىزمەتكەرى بولىپ جەتىلدىم، پارتيانىڭ دارىندىلاردى ەنگىزۋ ساياساتى ماعان شەكارا وڭىردە مۇراتىمدى ايگىلەيتىن وراي بەردى دەسەم بولادى. جاڭا جورىقتا مەن ۇزدىكسىز قاجىرلىلىقپەن قۇلشىنا ىستەپ، ەرلىكپەن العا باسىپ، <تۇلپار مەكەنىندە> جاستىق ارمانعا قۇلاش سەرمەيمىن» دەدى موڭعۇلكۇرە اۋداندىق اۋىل شارۋاشىلىعى، اۋىل - قىستاق مەكەمەسى مال شارۋاشىلىعىن، مال شيپاگەرلىگىن دامىتۋ ورتالىعىنىڭ اعا مال شيپاگەرى ما يۇيحۇي.

مۇقىر رايونى − قورعاس قالاسىنىڭ نەگىزگى مال شارۋاشىلىق رايونى، جاقىنعى جىلداردان بەرى بۇل ٴوڭىر جوعارى ٴونىمدى، جاسىل، باياندى دامۋ ۇستانىمىنان جازباي، مال شارۋاشىلىعى كاسىپ سالاسىنىڭ ورنالاسۋىن اناعۇرلىم كەمەلدەندىرىپ، مال مەن ٴۇي قۇستارىنىڭ تۇقىمىن ۇزدىكسىز ساپالىلاندىردى. مۇقىر رايونى كەگەن الەۋمەتتىك اۋماعى جالاڭاش مال شارۋاشىلىق اترەتىنىڭ تۇرعىنى تو فۋچىڭ بىلاي دەدى: «جاقىنعى جىلداردان بەرى رايونىمىز كاسىپ سالاسى قۇرىلىمىن اناعۇرلىم ساپالىلاندىرىپ، شارۋالاردىڭ كىرىسىن ۇزدىكسىز ارتتىردى، الەۋمەتتىك اۋماعىمىز تاعى مول باعىمشىلىق بايلىعى ابزالدىعىنان تولىق پايدالانىپ، باعىمشىلىق كاسىپ سالاسىن بۇقارانىڭ كىرىسىن ارتتىرۋداعى نەگىزگى ارنا ەتىپ، جاڭاشا اۋىل - قىستاق قۇرىلىسىن تىڭ ساتىعا كوتەرۋدى ۇزدىكسىز ىلگەرىلەتتى. بۇدان كەيىن مەن باعىمشىلىق كولەمىن ۇزدىكسىز كەڭەيتىپ، <قالتا قالىڭ، كوڭىل جارقىن> بولعان باقىتتى تۇرمىس كەشىرۋگە كۇش سالامىن».