وبلىستاعى جاراتىلىستىق بايلىق جۇيەسىندەگىلەر:

ەكولوگيانى الدىڭعى ورىنعا قويۋدى، ۇنەمدى، شوعىرلى،جاسىل، تومەن كومىرتەكتى دامۋدى جەبەيمىز

ٴتىلشىمىز ما چىڭلۋ، ەرىكتى ٴتىلشى كۇڭ ۋيگو حابارلايدى. باس شۋجي شي جينپيڭنىڭ پارتيا 20 - قۇرىلتايىندا جاساعان بايانداماسى ىلە وبلىسىنداعى جاراتىلىستىق بايلىق جۇيەسىندەگى پارتيالى كادرلار اراسىندا قىزۋ اڭىس قوزعادى. كوپشىلىك جابال مىنانى ٴبىلدىردى: جاڭا جورىقتا اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ىلە وبلىسى ەكونوميكاسىنىڭ جوعارى ساپالى دامۋىنا جاراتىلىستىق بايلىق جۇيەسىندەگى پارتيالى كادرلاردىڭ  كۇش - قۋاتىن ارنايمىز.

وبلىستىق جاراتىلىستىق بايلىق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جاڭ چىڭۋىن بىلاي دەدى: پارتيا 20 - قۇرىلتايىنىڭ بايانداماسى الداعى 5 جىلداعى، ٴتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلاپ، جاراتىلىستىق بايلىق قىزمەتىن كۇش سالا ويداعىداي ىستەۋىمىزگە، ەكونوميكانىڭ جوعارى ساپالى دامۋىنا قىزمەت وتەۋىمىزگە جانە ونى قامتاماسىزداندىرۋىمىزعا  ٴتۇبىرلى ولشەم ازىرلەپ بەردى. ٴبىز مەملەكەت جەر بايلىعى كەڭىستىك جوباسىن جەتەكشى ەتۋگە تاباندى بولىپ، جاراتىلىستىق بايلىق فاكتورلارىمەن قامتاماسىزداندىرۋدى مىقتى يگەرىپ، قازىرگى جەر ساياساتىنان تولىق، جاندى پايدالانىپ، تۇنىق سۋ، جاسىل تاۋ ــ باعالى بايلىق ۇستانىمىن بەرىك ورناتىپ جانە امالياتتا ايگىلەپ، تاۋ، سۋ، ورمان، اتىز، كول، جايىلىم، ٴشولدى ٴبىر تۇلعالاندىرىپ قورعاۋ مەن جۇيەلى جونگە سالۋعا تاباندى بولىپ، ەگىستىك جەردىڭ قىزىل سىزىعىن باتىل ساقتاپ، ەكولوگيانى الدىڭعى ورىنعا قويۋدى، ۇنەمدى، شوعىرلى، جاسىل، تومەن كومىرتەكتى دامۋدى جەبەيمىز. 

«ٴبىز پارتيا 20 - قۇرىلتايىنىڭ بايانداماسىن ويداعىداي ۇيرەنىپ، جەتە ٴتۇسىنىپ، ويداعىداي دايەكتىلەندىرىپ، <ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ> رەفورماسىن ىشكەرىلەي تەرەڭدەتەمىز» دەدى وبلىستىق جاراتىلىستىق بايلىق مەكەمەسىنىڭ ورىنباسار شۋجيى، مەكەمە باستىعى قۇسايىن اسىلبەك ۇلى. ول تاعى بىلاي دەدى: كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ جونىندەگى ٴبىر قىدىرۋ ساياساتتان ويداعىداي جاندى پايدالانىپ، بەلسەندىلىكپەن ىرىقتى قىزمەت وتەپ، جاراتىلىستىق بايلىق فاكتورلارىمەن قامتاماسىزداندىرۋدىڭ «كەشەندى شارالارىن» ويداعىداي اتقارامىز. <كوبەيتىپ، ساقتاپ، بايلانىستىرىپ> باسقارۋدى قاتاڭ ارناعا ٴتۇسىرىپ، ەگىستىك جەردى قورعاۋدى جانە ۇنەمدى، شوعىرلى پايدالانۋدى جەبەپ، قالا مەن اۋىلدىڭ توعىسپالى دامۋىنا جانە اۋىل - قىستاقتى گۇلدەندىرۋ ستراتەگياسىنىڭ اتقارىلۋىنا دەم بەرەمىز؛ نەگىزدىك قۇرىلعىلارعا قىزمەت وتەۋدى قامتاماسىزداندىرۋ جانە بايلىقپەن قامداۋ تەبىنىن ارتتىرىپ، ماڭىزدى فاكتورلاردى ورنالاستىرۋدى كەمەلدەندىرىپ، جەردەن پايدالانۋدى تەكسەرىپ - بەكىتۋدىڭ «جاسىل ارناسىن» اشىپ، تۇتاس وبلىس ەكونوميكاسىنىڭ جوعارى ساپالى دامۋىنا مىعىم جاراتىلىستىق بايلىق تىرەگىن ازىرلەيمىز».

وبلىستىق جاراتىلىستىق بايلىق مەكەمەسى گەولوگيالىق بارلاۋدى باسقارۋ جانە كەن بايلىعىن قورعاۋدى باقىلاۋ باسقارماسىنىڭ باستىعى حان جىگو بىلاي دەدى: «ىلە وبلىسىندا  مول كەن بايلىعى بار، كومىر، تەمىر، التىن سياقتى كەن  بايلىقتارىنىڭ زاپاس قورى اۆتونوميالى رايون بويىنشا الدىڭعى ورىندا تۇرادى، ۇتىمسىز فورماداعى كەن شارۋاشىلىعى ەكونوميكاسىن دامىتۋ ۇلگىسىن تاستاپ، بايلىقتى ورنالاستىرۋ ونىمدىلىگىن جوعارىلاتىپ، ىلە وبلىسى كەن شارۋاشىلىعىنىڭ جوعارى ساپالى دامۋىن جەبەيمىز». 

قورعاس قالالىق جاراتىلىستىق بايلىق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى گىڭ يان بىلاي دەدى: «پارتيا 20 - قۇرىلتايى بايانداماسىنداعى <ارتىقشىلىقتار ارقىلى ٴبىر - ٴبىرىن تولىقتايتىن، جوعارى ساپالى داميتىن وڭىرلىك ەكونوميكانى ورنالاستىرۋ جانە مەملەكەت جەر بايلىعى كەڭىستىك جۇيەسىن قۇرۋ> جونىندەگى ماڭىزدى بايىمداۋلاردى ىشكەرىلەي ۇيرەنىپ، قىزمەت وتەۋدى، قامتاماسىزداندىرۋدى كۇشەيتىپ، فاكتوردى، تىرەكتى كەمەلدەندىرىپ، جاراتىلىستىق بايلىق تاراۋلارىنىڭ قىزمەت وتەۋ، قامتاماسىزداندىرۋ رولىن ساۋلەلەندىرەمىز». 

«پارتيا 20 - قۇرىلتايىنىڭ بايانداماسىندا <حالىق> ەڭ كوپ اۋىزعا الىنعان سوزگە اينالىپ، جۇڭگو كوممۋنيستەرىنىڭ اۋەلگى ماقساتى مەن بورىشىن تاعى ٴبىر رەت ايگىلەدى». قۇلجا قالالىق جىلجىمايتىن مۇلىكتى تىزىمدەۋ ورتالىعىنىڭ كادرى فاڭ حۋا بىلاي دەدى: «جاراتىلىستىق بايلىق جۇيەسىنىڭ كادرى رەتىندە، بۇكىل ىنتا - پەيىلىممەن حالىق بۇقاراسى ٴۇشىن قىزمەت وتەيمىن».