اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى

شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشايىق

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 10 - ايدىڭ 25 - كۇنى تۇستەن كەيىن اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، اۆتونوميالى رايوندىق پارتكومنىڭ تالاپتارىنا ساي، ۇكىمەتتىڭ جۋىق اراداعى ءتۇيىندى قىزمەتتەرىن ورنالاستىردى.

ءماجىلىس مىنالاردى اتاپ كورسەتتى: پارتيا 20 - قۇرىلتايى بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان اسا ماڭىزدى قۇرىلتاي، كەلەلى ساياسي مانگە، تاريحي مانگە، بەلەستىك مانگە يە، بۇكىل پارتيانى، بۇكىل ارميانى، بۇكىل ەل حالقىن بىلەك سىبانا قايراتتانا ىستەپ، ەشقاشان بوگەلمەي العا ىلگەرىلەۋىنىڭ تەلەگەي ۇلى كۇشىن بارىنشا قاۋلاتاتىندىعى داۋسىز. پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەتتىڭ باسشىلىق كوللەكتيۆىن سايلاپ شىعىپ، بۇكىل پارتيانىڭ ورتاق ەركىن جانە بۇكىل ەل حالقىنىڭ ورتاق تىلەگىن تولىق بەينەلەدى. ساياسي، ستراتەگيالىق جانە جالپى جاعداي تۇرعىسىنان شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا 20 - قۇرىلتايىندا جاسالعان كەلەلى شەشىمدەرمەن، ورنالاستىرۋلارمەن شىن مانىندە بىرلىككە كەلتىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا شينجياڭ ۇلەسىن قوسۋ كەرەك.

ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋلارىنا ساي ۇيىمداستىرۋدى كۇشەيتىپ، دەن قويا ورنالاستىرىپ، قىزۋ ورلەۋدى جەدەل كوتەرۋ كەرەك. ۇكىمەت پارتيا باسشىلىق گرۋپپاسىنىڭ مۇشەلەرى ءبىر قادام الدىمەن ۇيرەنىپ، ويداعىداي ۇلگى كورسەتۋ، جەر - جەر، تاراۋلار ۇيرەنۋدى تۇيىنگە، ساتىعا، دارەجەگە بولە وتىرىپ ورىستەتۋ؛ ءار دارەجەلى، ءار تۇردەگى مەديالار، پارتيا 20 - قۇرىلتايى ۋاكىلدەرى، قوعامدىق عىلىمداردى زەرتتەۋ جانە نازاريا قىزمەتكەرلەرى سياقتىلار ءىس جۇزىندىك جاعدايمەن ۇشتاستىرا وتىرىپ ۇگىت جۇرگىزىپ، ۇگىت لەكسيا جاساپ، تەرەڭدەۋىن، ناقتىلانۋىن ىلگەرىلەتۋ؛ نازاردى كادرلاردىڭ، بۇقارانىڭ نازار اۋدارىپ وتىرعان تۇيىندەرىنە شوعىرلاندىرىپ، پارتيا 20 - قۇرىلتايى رۋحىنىڭ بارشا جۇرتتىڭ تۇگەل ءبىلۋىن، جۇرت جۇرەگىنە تەرەڭ ۇيالاۋىن ىلگەرىلەتۋ كەرەك.

ءماجىلىس مىنالاردى باسا دارىپتەدى: جاڭا بورىشتى، مىندەتتى كوزدەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى كورىكتى شينجياڭ قۇرۋدىڭ جاندى امالياتىنا اينالدىرۋ كەرەك. ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزىپ، باس تاكتيكاعا، باس باعىتقا تاباندى بولىپ، كۇشتەردى شوعىرلاندىرىپ، بار كۇشپەن قامال الىپ، ىندەتتەن ساقتانۋدى جانە تۇرمىستىق زاتتىق ماتەريالدارمەن قامداۋدى قامتاماسىز ەتۋدى كۇشەيتىپ، بۇقارانىڭ اۋرۋ كورسەتۋ، ەمدەلۋ تالاپ - تىلەكتەرىن بار كۇشپەن شەشىپ، قالىپتى ءوندىرىس، تۇرمىس ءتارتىبىن ەرتەرەك قالپىنا كەلتىرۋگە كۇش سالۋ كەرەك. قوعامدىق كەلەلى جاعدايدىڭ ورنىقتىلىعىن ساقتاپ، شينجياڭدى جاپپاي زاڭمەن باسقارۋعا تاباندى بولىپ، ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاۋ؛ ءوندىرىس حاۋىپسىزدىگىن ناقتى، ەگجەي - تەگجەيلى يگەرىپ، ەلەۋلى ءوندىرىس حاۋىپسىزدىگى شىرعالاڭدارىنىڭ تۋىلۋىنان ساقتانۋ كەرەك. 4 - ماۋسىمداعى ەكونوميكانى ورنىقتىرۋ قىزمەتىن ويداعىداي يگەرىپ، ”ەكىنى ءبىر تۇتاس جوسپارلاۋعا“ تاباندى بولىپ، ”التىنى ورنىقتىرۋدى“، ”التىنى قامتاماسىز ەتۋدى“ كۇشەيتىپ، زات اينالىمىنىڭ ىركىلىسسىزدىگىنە، قامداۋ تىزبەگىن ورنىقتىرۋعا، اۋىل شارۋاشىلىعى وندىرىسىنە، ت . ب بار كۇشپەن كەپىلدىك ەتىپ، نىسان قۇرىلىسى، ەرەكشە، باسىمدىققا يە كاسىپ سالالارىنىڭ دامۋى، تۇتىنۋدىڭ ورنىن تولتىرۋ، ەنەرگيا حاۋىپسزدىگى، شارۋاشىلىق - ساۋدا ورتاسىن ساپالىلاندىرۋ سياقتى مىندەتتەردى ويداعىداي يگەرۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ءتۇيىندى قاۋىمنىڭ جۇمىستانۋىن ويداعىداي يگەرىپ، نەگىزگى الەۋمەتتىك قىزمەت وتەۋ جانە قوعامدىق قامتاماسىزداندىرۋ دەڭگەيىن جوعارىلاتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.