رايونىمىزدىڭ جەر - جەرى، تاراۋلارى، ورىندارى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن ۇيرەندى، دايەكتىلەندىردى −

جاڭا بورىش ارقالاپ، تىڭ داستان جازاتىن تەلەگەي كۇش توپتايمىز

□ انار بۇلت \ شينجياڭ گازەتىنىڭ تىلشىلەرى

بىرنەشە كۇننەن بەرى رايونىمىزدىڭ جەر - جەرى، تاراۋلارى، ورىندارى پارتيا باسشىلىق گرۋپپالارىنىڭ (كەڭەيتىلگەن) ءماجىلىسىن اشۋ، ارناۋلى تاقىرىپتىق ءماجىلىس اشۋ سياقتى فورمالار ارقىلى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، ءوز ءوڭىرىنىڭ، ءوز جۇيەسىنىڭ، ءوز ورنىنىڭ ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى. كوپشىلىك جابال مىنالاردى ءبىلدىردى: پارتيا 20 - قۇرىلتايىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، پارتيا 20 - قۇرىلتايى رۋحىنىڭ باي مازمۇنىن، وزەكتى ءمانىن جانە امالياتتىق تالابىن تەرەڭ ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن جەتە ۇيرەنىپ، جەتە يگەرىپ، شىنايى تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ستراتەگيالىق ورنالاستىرۋىن بۇلجىماستان دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن جازۋدىڭ تەلەگەي كۇشىن توپتايمىز.

قارامايلى قالاسى:

جاڭا ەمتيحان تاپسىرۋ جولىمەن ەكپىندەي ىلگەرىلەگەن اسقاق بەينەمەن ويداعىداي جۇرەمىز

پارتيا 20 - قۇرىلتايى مەن 20 - كەزەكتى ورتالىق كوميتەتتىڭ ءبىرىنشى جالپى ءماجىلىسى جەڭىسپەن جابىلعاننان كەيىن، قارامايلى قالالىق پارتكوم دەرەۋ تۇراقتى كوميتەتتىڭ (كەڭەيتىلگەن) ءماجىلىسىن ۇيىمداستىرىپ اشتى، قالالىق پارتكومنىڭ شۋجيى جاۋ ۋىنچۋان پارتيا 20 - قۇرىلتايىنىڭ ۋاكىلى سالاۋاتىمەن ۇگىت لەكسيا جاساپ، جەتكىزىپ، ۇيرەنىپ، ورنالاستىرىپ، يدەيانى ونان ارى بىرلىككە كەلتىرىپ، ورتاق تانىم ۇيىستىرىپ، بۇكىل قالادا جوعارىدان تومەنگە دەيىن ءبىر نيەت، ءبىر تىلەكتە بولىپ، بىرگە كۇرەس جۇرگىزۋدىڭ تەلەگەي كۇشىن توپتادى.

قارامايلى قالالىق پارتكومنىڭ ورىنباسار شۋجيى، قالا باستىعى شى گاڭ مىنالاردى ءبىلدىردى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، ”مەملەكەتتىڭ زور ءىسىن“ كوكەيدە ساقتاپ، مەملەكەتتىڭ ستراتەگيالىق بايلىقپەن قامداۋدى قامتاماسىز ەتۋ قابىلەتىن جوعارىلاتۋ جونىندەگى ورنالاستىرۋدى، تۇراقتاندىرۋدى كوزدەپ، نازاردى قوعام ورنىقتىلىعى مەن باياندى تىنىشتىقتى جۇزەگە اسىرۋ سىندى شينجياڭ قىزمەتى باس نىساناسىنا شوعىرلاندىرىپ، ”ەكى رايون قۇرىلىسى“ (مەملەكەت دارەجەلى بايلىعى مول، شوعىرلى وڭىرلەر بويىنشا تيبىن وزگەرتۋ، جاڭالىق اشۋ سىناق رايونىن جانە جىبەك جولى ەكونوميكالىق بەلدەۋى وزەكتى رايونىنداعى مۇناي، مۇناي حيميا كاسىپ سالاسىنىڭ جوعارى ساپالى دامۋىنان ۇلگى كورسەتۋ رايونىن قۇرۋ) مىندەتىن مىقتاپ ارقاۋ ەتىپ، مۇناي، مۇناي حيميا باسىمدىعىنا يە كاسىپ سالاسىنىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتىپ، سيفرلى ەكونوميكا، جاڭا ەنەرگيا، جاڭا ماتەريال سياقتى كوپ نەگىزدى كاسىپ سالالارىن زور كۇشپەن جەتىلدىرىپ، قارامايلى ەرەكشەلىگىنە يە وسى زامانعى كاسىپ سالاسى جۇيەسىن زور كۇشپەن قالىپتاستىرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ جانە وعان قىزمەت ەتۋ بورىشى مەن جاۋاپكەرشىلىگىن اناعۇرلىم ويداعىداي ارقالاپ، جاڭا ەمتيحان تاپسىرۋ جولىمەن اسقاق بەينەمەن ويداعىداي جۇرەمىز.

قۇمىل قالاسى:

ۇيرەنۋدى، تاربيەلەۋدى الۋان فورمامەن، ساتىلارعا ءبولىپ، جاپپاي قامتۋدى كۇشەيتەمىز

10 - ايدىڭ 25 - كۇنى قۇمىل قالالىق پارتكوم تۇراقتى كوميتەتى كەڭەيتىلگەن ءماجىلىس اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، بۇكىل قالانىڭ پارتيا 20 - قۇرىلتايىنىڭ رۋحىن ۇيرەنۋى، ۇگىتتەۋى، دايەكتىلەندىرۋى جونىندە ورنالاستىرۋ جاسادى. قۇمىل قالالىق پارتكومنىڭ شۋجيى سۇن تاۋ ءماجىلىستى باسقاردى ءارى ءسوز سويلەدى.

سۇن تاۋ بىلاي دەدى: بۇكىل قالاداعى ءار دارەجەلى پارتيا ۇيىمدارى، قالىڭ پارتيا مۇشەلەرى، كادرلار پارتيا 20 - قۇرىلتايىنىڭ ساياسي ءمانىن، نازاريالىق ءمانىن، ستراتەگيالىق ءمانىن، امالياتتىق ءمانىن جەتە تانىپ، يدەيا مەن ارەكەتتى پارتيانىڭ 20 - قۇرىلتايىندا جاسالعان ايبىندى جوبامەن باتىل بىرلىككە كەلتىرۋى كەرەك. پارتيا 20 - قۇرىلتايىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرۋ كەرەك. ىشكەرىلەي ۇيرەنىپ، ءتۇسىنىپ، ۇيرەنۋدى، باۋلۋدى الۋان فورمامەن، ساتىلارعا ءبولىپ، جاپپاي قامتۋدى كۇشەيتۋ كەرەك. كەڭ كولەمدە ۇگىتتەپ، ۇگىت لەكسيا جاساپ، ءتۇرلى ۇگىت فورمالارى مەن دانەكەرلەرىنەن تولىق پايدالانىپ، ۇگىتتى، ۇگىت لەكسيانى ساتىلى، جاناسىمدى، جاپپاي قامتي ورىستەتىپ، پارتيا 20 - قۇرىلتايىنىڭ رۋحىن كاسىپورىندارعا، اۋىل - قىستاقتارعا، ورگاندارعا، مەكتەپ اۋلالارىنا، الەۋمەتتىك اۋماقتارعا جەتكىزۋدى ىلگەرىلەتۋ كەرەك. جاپپاي دايەكتىلەندىرۋ، تياناقتاندىرۋ كەرەك، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى وسى وزەكتى مىندەتتى ارقاۋ ەتىپ، قۇمىلدىڭ ءىس جۇزىندىگىمەن ۇشتاستىرىپ، الىس پەن جاقىندى ۇشتاستىرۋعا تاباندى بولىپ، اناعۇرلىم سانالى تاريحي ىرىقتىلىقپەن قۇمىلدىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۇمىل تاراۋىن قۇلشىنا جازۋ كەرەك.

اۆتونوميالى رايوندىق دامۋ جانە رەفورما كوميتەتى:

پارتيا 20 - قۇرىلتايىنىڭ رۋحىن رەفورمانى، دامۋدى، ورنىقتىلىقتى ىلگەرىلەتۋدىڭ ءىس جۇزىندىك ارەكەتىنە اينالدىرامىز

بىرنەشە كۇننەن بەرى اۆتونوميالى رايوندىق دامۋ جانە رەفورما كوميتەتىنىڭ پارتيا باسشىلىق گرۋپپاسى پارتيا مۇشەلەرىن، كادرلاردى ۇيىمداستىرىپ تەلەۆيزور، ينتەرنەت جەلىسى سياقتى ارنالار ارقىلى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى.

اۆتونوميالى رايوندىق دامۋ جانە رەفورما كوميتەتى مىنالاردى تالاپ ەتتى: يدەيا مەن ارەكەتتى تەز ارادا پارتيا 20 - قۇرىلتايىنىڭ رۋحىمەن بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا ەكپىندەي ىلگەرىلەپ، قايسارلىقپەن العا ۇمتىلىپ، پارتيا 20 - قۇرىلتايىنىڭ رۋحىن شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋدىڭ ءىس جۇزىندىك ارەكەتىنە، ناقتى شاراسىنا شىن مانىندە اينالدىرۋ كەرەك. دامۋ، رەفورما قىزمەتىنىڭ ءىس جۇزىندىگىمەن تىعىز بايلانىستىرىپ، جالپىلىق ەكونوميكالىق تاراۋلاردىڭ قىزمەت جاۋاپكەرشىلىگىن بەلسەنە اتقارىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى كۇش سالا ىلگەرىلەتىپ، حۇجات دايىنداۋ، جوبا جاساۋ، ساياسات بەلگىلەۋ، قارجى قوسۋدى ورنالاستىرۋ، نىساندى ىلگەرىلەتۋ بارىسىندا پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن جاپپاي ويداعىداي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ەكونوميكالىق اينالىم جاعدايىنا ىشكەرىلەي تۇجىرىم جاساپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تىڭعىلىقتى ىلگەرىلەتىپ، ءونىمدى قارجى قوسۋدى كەڭەيتۋدى كۇش سالا ويداعىداي مىقتى يگەرىپ، 8 ءىرى كاسىپ سالاسى شوعىرىن بەلسەنە جەتىلدىرىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، استىق، ەنەرگيا بايلىعى، ماڭىزدى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىنە شىنايى كەپىلدىك ەتۋ كەرەك.

اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى:

ونەركاسىپ ەكونوميكاسى مەن ينفورماتسيالاندىرۋ ىستەرىنىڭ جوعارى ساپالى دامۋىن ىلگەرىلەتەمىز

10 - ايدىڭ 24 - كۇنى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسى ارناۋلى تاقىرىپتىق ءماجىلىس اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ءىرى ءىس رەتىندە قاراپ، ەرەكشە ماڭىزدى ورىنعا قويىپ، ۇيرەنۋدى شىن مانىندە ۇزدىكسىز تەرەڭدەتۋگە كۇش سالۋدى تالاپ ەتتى.

ءماجىلىس مىنالاردى تالاپ ەتتى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى ءتۇرلى قىزمەتتەردى ويداعىداي ىستەۋمەن ۇشتاستىرۋعا تاباندى بولىپ، وسى زامانعى كاسىپ سالاسى جۇيەسى مەن نەگىزدىك قۇرىلعى جۇيەسىن جەدەل ورناتىپ، ءتۇيىندى نىسان قۇرىلىستارىن بار كۇشپەن يگەرىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك. سونىمەن بىرگە عىلىم - تەحنيكادا جاڭالىق اشۋدىڭ تىرەكتىك قابىلەتىن كۇشەيتىپ، كاسىپ سالاسى تىزبەگى مەن قامداۋ تىزبەگىنىڭ وسىزاماندانۋ دەڭگەيىن جوعارىلاتىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن جەبەپ، سيفرلى كاسىپ سالالانۋدى، كاسىپ سالاسىنىڭ سيفرلانۋىن ىلگەرىلەتىپ، باقشا رايونىنىڭ جاڭالىق اشا دامۋىن جەدەلدەتۋ كەرەك. ءتۇرلى كاسىپورىنداردىڭ زورايۋىن، كۇشەيۋىن، فاكتورلارمەن قامتاماسىز ەتۋدى كۇشەيتۋىن، شارۋاشىلىق - ساۋدا ورتاسىن ساپالىلاندىرۋىن قولداپ، ونەركاسىپ سالاسىنداعى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى ورنىقتى، ءتارتىپتى ىلگەرىلەتىپ، حاۋىپسىزدىك قىزىل سىزىعىن، تومەنگى شەگىن بەرىك ساقتاۋ سياقتى جاقتاردا ۇزدىكسىز كۇش سالىپ، ونەركاسىپ ەكونوميكاسى مەن ينفورماتسيالاندىرۋ ىستەرىنىڭ جوعارى ساپالى دامۋىن ۇزدىكسىز ىلگەرىلەتۋ كەرەك.

اۆتونوميالى رايوندىق ساۋدا ىستەرى مەڭگەرمەسى:

”قوس اينالىمدى“ جاڭا دامۋ ارناسىمەن بەلسەنە توعىسامىز

10 - ايدىڭ 24 - كۇنى اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، بەينە ەكران ءماجىلىسى تاسىلىمەن پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزدى، ۇيرەندى.

ءماجىلىس مىنالاردى تالاپ ەتتى: تۇتاس رايوننىڭ ساۋدا ىستەرى شەبىندەگى پارتيا مۇشەلەرى، كادرلار پارتيا 20 - قۇرىلتايى رۋحىنىڭ جىگەرلەندىرۋىندە جانە جەتەكشىلىگىندە، پارتيا 20 - قۇرىلتايى جاساعان جوبا بويىنشا اۆتونوميالى رايوندىق پارتكوم مەن ۇكىمەتتىڭ باسشىلىعىندا ”قوس اينالىم“ سىندى جاڭا دامۋ ارناسىمەن بەلسەنە توعىسىپ، باتىسقا ەسىك اشۋدىڭ كەڭدىگىن جانە تەرەڭدىگىن ۇلعايتىپ، باقشا رايونى جانە ءماجىلىس - كورمە سياقتى اشىق سەلبەستىك تۇعىرلارىنىڭ رولىن تولىق ساۋلەلەندىرىپ، ىشكى ساۋدا اينالىمىنىڭ ساپاسىن ءوسىرىپ، كولەمىن كەڭەيتۋدى ىلگەرىلەتىپ، سىرتقى ساۋدانىڭ جاڭالىق اشا دامۋىن جەدەلدەتىپ، قوس باعىتتا قارجى قوسۋدى جەبەپ، ساۋداگەر شاقىرىپ قارجى ەنگىزۋ ساپاسىن جوعارىلاتىپ، وڭىرلىك سەلبەستىكتى تەرەڭدەتىپ، ساۋدا ىستەرىنىڭ جوعارى ساپالى دامۋ اياق الىسىن ۇزدىكسىز جەدەلدەتىپ، 7 - كەزەكتى جۇڭگو − ازيا − ەۆروپا كورمەسىندە قول قويىلعان نىسانداردىڭ تياناقتانۋىن ناقتى يگەرىپ، جۇڭگو (شينجياڭ) ەركىن ساۋدا سىناق رايونىن قۇرۋدى ءوتىنىش ەتۋ سياقتى ءتۇيىندى قىزمەتتەردى جەدەل ىلگەرىلەتىپ، پارتيا 20 - قۇرىلتايىندا بەلگىلەنگەن نىسانانى جۇزەگە اسىرۋعا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە، جوعارى ساپالى دامۋدى جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تىڭ ۇلەس قوسۋ كەرەك.

(ءتىلشى شى شين، قاتىناسقان تىلشىلەر ءجازيرا نەسىپبەك، ۋي يۇڭگۇي، ما ينيڭ، حي حۇڭۋي، ەرىكتى ءتىلشى ليۋ حۇڭيان)