بۇكىل رايوننىڭ پارتيا 20 - قۇرىلتايىنىڭ رۋحىن جەتكىزۋ، ۇيرەنۋ، دايەكتىلەندىرۋ جونىندەگى كادرلار ءماجىلىسى اشىلدى

”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، پارتيا 20 - قۇرىلتايىنىڭ رۋحىن جان - جاقتى ۇيرەنىپ، ۇگىتتەپ، دايەكتىلەندىرىپ، پارتيا 20 - قۇرىلتايىنىڭ رۋحى مەن تالاپتارىن شينجياڭ قىزمەتىنىڭ ءار جاعىندا، تۇتاس بارىسىندا تياناقتاندىرۋ كەرەك

ما شيڭرۇي ءسوز سويلەدى

ەركىن تۇنياز، شاۋكەت يمىن، نۇرلان ءابىلماجىن، لي يفي، نايىم ياسىن، جاڭ چۇنلين، حى جۇڭيوۋ قاتىناستى

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 10 - ايدىڭ 26 - كۇنى ۇرىمجىدەن حابارلايدى. بۇكىل رايوننىڭ پارتيا 20 - قۇرىلتايىنىڭ رۋحىن جەتكىزۋ، ۇيرەنۋ، دايەكتىلەندىرۋ جونىندەگى كادرلار ءماجىلىسى 10 - ايدىڭ 26 - كۇنى تۇستەن بۇرىن اشىلىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتتەرىنە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋيى ما شيڭرۇي ماجىلىسكە قاتىناستى ءارى ءسوز سويلەدى، ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، پارتيا قۇرۋ ۇلى رۋحىن اسقاقتاتىپ، كۇشتى ساياسي جاۋاپكەرشىلىك سەزىممەن پارتيا 20 - قۇرىلتايى رۋحىنىڭ تيانشان الابىندا جالپى بەتتىك تياناقتانىپ، تامىر تارتۋىن ىلگەرىلەتىپ، بۇكىل رايونداعى ءار ۇلت كادرلارى مەن بۇقاراسىن باس شۋجيگە تىعىز ىلەسۋگە، جاڭا جورىقتا ەكپىندەي ىلگەرىلەۋگە ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن جازۋعا قۇلشىنۋ كەرەك.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز پارتيا 20 - قۇرىلتايى مەن 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جەتكىزدى. شاۋكەت يمىن، نۇرلان ءابىلماجىن، لي يفي، نايىم ياسىن، جاڭ چۇنلين، حى جۇڭيوۋ قاتارلىلار قاتىناستى.

ما شيڭرۇي بىلاي دەپ اتاپ كورسەتتى: پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي، پارتيا مەن مەملەكەتتىڭ دامۋ ۇردىسىندە ەرەكشە كەلەلى تاريحي مانگە يە. باس شۋجي شي جينپيڭ جاساعان بايانداما جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جالپى بەتتىك ىلگەرىلەتۋگە ستراتەگيالىق جوسپار جاساپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋگە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە جان - جاقتى ورنالاستىرۋ جاسادى، ول پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت تۇعىرناماسى، بۇكىل پارتيانى اۋەلگى ماقساتتان، بورىشتان اينىماي، قايراتتانا ۇمتىلىپ، ەرلىكپەن العا ىلگەرىلەۋگە جەتەكتەيتىن رۋحاني تۋ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرى قامتىلعان كەسەك شىعارما، پارتيا مەن مەملەكەت ىستەرىن جەڭىسپەن العا ىلگەرىلەۋگە باستايتىن تۇعىرنامالىق حۇجات. قۇرىلتاي ماقۇلداعان 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، پارتيانى جاپپاي قاتاڭ باسقارۋدىڭ تەرەڭدەي دامۋىن مىزعىماس تاباندىلىقپەن ىلگەرىلەتۋگە ماڭىزدى جەتەكشىلىك ازىرلەدى. قۇرىلتاي ماقۇلداعان پارتيا ۋستاۆىنىڭ وزگەرىس ەنگىزىلگەن جوباسى پارتيانىڭ جاپپاي باسشىلىعىنا تاباندى بولۋعا جانە ونى كۇشەيتۋگە، پارتيانى جاپپاي قاتاڭ باسقارۋدى مىزعىماس تاباندىلىقپەن ىلگەرىلەتۋگە، پارتيا قۇرىلىسىنا تاباندى بولۋعا جانە ونى كەمەلدەندىرۋگە، پارتيانىڭ وزىنە - ءوزى توڭكەرىس جاساۋىن ىلگەرىلەتۋگە ايقىن تالاپتار قويدى. پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەت باسشىلىق كوللەكتيۆىن سايلاپ شىقتى، شي جينپيڭ جولداس ورتالىق كوميتەتتىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى بولىپ تاعى ءبىر مارتە سايلاندى، بۇل پارتيانىڭ ەركىنىڭ، حالىقتىڭ ەركىنىڭ، مەملەكەتتىڭ ەركىنىڭ وسكەلەڭ بىرلىگى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ باس شۋجي شي جينپيڭدى شىن جۇرەكتەن قولدايتىندىعىن ايگىلەدى. باس شۋجي شي جينپيڭنىڭ رول ۇستاپ، جول باستاۋى مەن شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءتۇبىرلى كەپىلدىككە يە بولدى. بۇكىل رايون جوعارىدان تومەنگە دەيىن، ءسوز جوق، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، اناعۇرلىم سانالى تۇردە ”ەكىنى تۇراقتاندىرۋدىڭ“ باتىل قورعاۋشىلارى، ”ەكىنى قورعاۋدىڭ“ ادال امالياتتا ايگىلەۋشىلەرى بولىپ، اناعۇرلىم سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

ما شيڭرۇي بىلاي دەپ باسا دارىپتەدى: وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تەرەڭدەي ۇيرەنىپ، جەتە تۇسىنۋگە، جەتە ۇيرەنىپ، تولىق تۇسىنۋگە، وي - ساناعا ۇيالاتۋعا، قايراتتانا ۇمتىلىپ، شىنايى ىستەۋگە قۇلشىنا كۇش سالىپ، وتكەن 5 جىلداعى قىزمەت پەن جاڭا ءداۋىردىڭ 10 جىلىنداعى ۇلى وزگەرىستەردىڭ كەلەلى ءمانىن مىقتاپ يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭداعى تابىستى امالياتىنان ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، بەرىك، باتىل تۇردە ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەۋ؛ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن مىقتاپ يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزاق ۋاقىتتىق كەلەلى ساياسي مىندەت رەتىندە يگەرىپ، ”وندى ايقىنداۋدىڭ“، ”ون تورتكە تاباندى بولۋدىڭ“، ”ون ءۇش جاقتاعى تابىستىڭ“ باستى مازمۇندارى مەن باي ءمانىن جۇيەلى ۇيرەنىپ، ”التىعا، ءسوز جوق، تاباندى بولۋدىڭ“ دۇنيەگە كوزقاراسى مەن ادىستەمەسىن تەرەڭ ءتۇسىنىپ، پارتيانىڭ جاسامپاز نازارياسىن شينجياڭنىڭ رەفورما، دامۋ، ورنىقتىلىق قىزمەتتەرىندە تياناقتاندىرۋ؛ جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋ بورىشىن، مىندەتىن مىقتاپ يگەرىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابىن تەرەڭ ءتۇسىنىپ، ”بەسكە تاباندى بولۋ“ كەلەلى پرينسيبىن مىقتاپ يگەرىپ، شينجياڭنىڭ ءىس جۇزىندىگىمەن تىعىز ۇشتاستىرىپ، باس شۋجي كورسەتكەن دۇرىس باعدارمەن مىزعىماستان ەرلىكپەن العا ىلگەرىلەۋ؛ وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ ماڭىزدى تالابىن مىقتاپ يگەرىپ، جاڭا داۋىردەگى پارتيا قۇرىلىسىنىڭ باس تالابىن جالپى بەتتىك تياناقتاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىستارىن ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ، سونداي - اق ونى اتقارۋدىڭ ەگجەي - تەگجەيلى ەرەجەسىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز تەرەڭدەتۋ؛ ىنتىماقتاسا كۇرەس جۇرگىزۋدەي ءداۋىر تالابىن مىقتاپ يگەرىپ، ءار ۇلت بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا تۋى استىندا ”بەرىك قۇرىش“ بولىپ ىنتىماقتاسىپ، اناردىڭ دانىندەي تىعىز ۇيىسۋعا تاربيەلەپ، جەتەكتەپ، كورىكتى شينجياڭ قۇرۋدىڭ، جۇڭگو ارمانىن ءبىر نيەتپەن تىزە قوسا جۇزەگە اسىرۋدىڭ قۇدىرەتتى كۇشىن ۇيىستىرۋ كەرەك.

ما شيڭرۇي بىلاي دەپ باسا دارىپتەدى: جەدەل ۇيىمداستىرىپ، دەرەۋ ارەكەتتەنىپ، كۇشتى ساياسي جاۋاپكەرشىلىك سەزىممەن پارتيا 20 - قۇرىلتايى رۋحىنىڭ تيانشان الابىندا جالپى بەتتىك تياناقتانىپ، تامىر تارتۋىن ىلگەرىلەتۋ كەرەك. ۇيرەنۋدى جاپپاي، جۇيەلى، ويداعىداي يگەرۋ كەرەك. اۆتونوميالى رايوندىق پارتكوم تۇراقتى كوميتەتى باستاماشى بولۋعا، ولكە دارەجەلى باسشى جولداستار باستاماشى بولۋعا تاباندى بولۋ، ءار دارەجەلى باسشى كادرلار ۇلگى كورسەتىپ، جەتەكشىلىك ەتۋ، ءار دارەجەلى، ءارقايسى تاراۋلار باي مازمۇندى، فورماسى ءار الۋان ۇگىت - تاربيە قيمىلدارىن ۇيىمداستىرىپ ورىستەتۋ؛ ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپالارى پارتيا 20 - قۇرىلتايىنىڭ رۋحىن ماڭىزدى مازمۇن ەتىپ، رۋحاني ماڭىزىن، وزەكتى ءمانىن، امالياتتىق تالابىن ىشكەرىلەي ءتۇسىنۋ؛ ءار دارەجەلى پارتيا مەكتەپتەرى (اكىمشىلىك شۋەيۋان) بارلىق پارتيا مۇشەلەرىن، كادرلاردى مەرزىمگە، توپقا ءبولىپ جۇيەلى باۋلۋ كەرەك. ۇگىتتى، ۇگىت لەكسيانى دەن قويا ۇيىمداستىرۋ كەرەك. ورتالىقتىڭ ءبىر تۇتاس ورنالاستىرۋىنا ساي، ۇگىت، ۇگىت لەكسيا جوباسىن ەگجەي - تەگجەيلى جاساپ، اتقارىپ، ۇگىت تاراۋلارى مەن ءتۇرلى مەديالار ارناۋلى ايدار، ارناۋلى تاقىرىپ اشۋى، اۆتونوميالى رايوننىڭ باسشىلارى وزدەرى جاۋاپتى بولعان سالالاردا جەتكىزۋ، ۇيرەنۋ جانە ارناۋلى تاقىرىپتا ۇگىت لەكسيا جاساۋى، ءار دارەجەلى باسشى كادرلار ءوز مەكەمە - ورىندارىندا، ءوز تاراۋلارىندا ۇيرەنۋ، جەتكىزۋ، ۇگىت لەكسيا جاساۋى، نەگىزگى ساتى پارتيا ۇيىمدارى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى، ت.ب بۇقاراعا ۇگىت لەكسيا جاساۋى، ءتۇسىندىرۋى، پارتيا 20 - قۇرىلتايىنىڭ ۋاكىلدەرى جان - جاقتى، دۇرىس ۇگىت لەكسيا جاساۋى، ۇگىت لەكسيا ۇيىرمەسى ۇگىت لەكسيانىڭ باعىتتامالىلىعىن، جاندىلىعىن، يدەيالىلىعىن كۇشەيتىپ، پارتيا 20 - قۇرىلتايى رۋحىنىڭ نەگىزگى ساتىعا، بۇقاراعا جەتكىزىلۋىن ىلگەرىلەتۋ كەرەك. ءىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋ كەرەك. پارتيا 19 - كەزەكتى ورتالىق كوميتەتى جەتىنشى جالپى ءماجىلىسىنىڭ، 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن، باس شۋجي شي جينپيڭنىڭ گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا، پارتيا 20 - قۇرىلتايىنىڭ جابىلۋ ماجىلىسىندە جۇڭگولىق، شەتەلدىك تىلشىلەرمەن كەزدەسكەندە سويلەگەن ماڭىزدى سوزدەرىنىڭ رۋحىن، سونداي - اق 2 -، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى سوزدەرىنىڭ رۋحىن جانە شينجياڭدى كوزدەن كەشىرگەندە سويلەگەن ماڭىزدى سوزدەرىنىڭ، ماڭىزدى بەكىتۋلەرىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، شينجياڭنىڭ ورنى مەن رولىن ءداپ باسىپ تاۋىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ءىس جۇزىندىكپەن ۇشتاستىرا ىشكەرىلەي زەرتتەۋ نەگىزىندە، پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ جونىندەگى اتقارۋ پىكىرىن جاساپ، شىندىققا جۇگىنىپ، ناقتى ءىس ىستەۋ ستيلىن ساۋلەلەندىرىپ، دۇرىس ناتيجە كوزقاراسىن امالياتتا ايگىلەپ، فورماشىلدىقتان، تورەشىلدىكتەن قاتاڭ ساقتانىپ، بەرىلە ناقتى ءىس ىستەپ، ناقتى ءادىس - امال قاراستىرىپ، ناقتى ونىمدىلىككە تالپىنىپ، پارتيا 20 - قۇرىلتايىنىڭ رۋحىن بۇلجىتپاي دايەكتىلەندىرۋ، تياناقتاندىرۋ كەرەك.

ما شيڭرۇي بىلاي دەپ باسا دارىپتەدى: قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، ىستەۋدى ماڭداي الدى ورىنعا قويۋدان، شىنايى بولۋدى ماڭداي الدى ورىنعا قويۋدان جازباي، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن باتىل تياناقتاندىرىپ، ”ەكىنى ءبىر تۇتاس جوسپارلاۋدى“ قاتاڭ، ناقتى، ەگجەي - تەگجەيلى ورىنداپ، پارتيا 20 - قۇرىلتايىنىڭ رۋحىن كەزەكتەگى ءتۇيىندى قىزمەتتەردى تىڭعىلىقتى ويداعىداي ىستەۋدىڭ، قايراتتانا ىسكەرلىك كورسەتۋ ارقىلى كورىكتى شينجياڭ قۇرۋدىڭ ءىس جۇزىندىك ارەكەتى مەن قىزمەت ونىمدىلىگىنە اينالدىرۋ كەرەك. ءسوزسىز جەڭىسكە جەتۋ سەنىمىن كۇشەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشپەن قول جەتكىزىپ، باس تاكتيكاعا، باس باعىتقا بۇلجىماي تاباندى بولىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالاپتارىن جانە 9 - نۇسقاداعى ساقتانۋ - تىزگىندەۋ جوباسىن تياناقتاندىرىپ، ولكە دارەجەلى باسشى جولداستار تومەنگە ءتۇسىپ، ءۇرىمجى قالاسىنداعى ءتۇيىندى رايون، اۋدانداردى كوتەرمەگە الىپ بايلانىس جاساپ، نازاردى تۇيىندەرگە شوعىرلاندىرا وتىرىپ شوعىرلى قامال الۋدى ورىستەتىپ، حىسۋان تەكسەرۋدىڭ ساپاسى مەن ورەسىن جوعارىلاتىپ، سىرتقا جايىلۋدان ساقتانۋ تابىسىن بەكەمدەپ، بۇقارانىڭ قيىنشىلىعىن، تالاپ - تىلەگىن جوعارى ءونىمدى شەشىپ، قالىپتى ءوندىرىس، تۇرمىس ءتارتىبىن ەرتەرەك قالپىنا كەلتىرۋگە كۇش سالۋ كەرەك. ءتۇيىندى، شەشۋشى بۋىنداردى مىقتى يگەرىپ، ەكونوميكالىق دامۋدىڭ نەگىزگى تاعانىن قۇلشىنا ورنىقتىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋدى“، ”التىنى قامتاماسىز ەتۋدى“ تىڭعىلىقتى ىلگەرىلەتىپ، ەكونوميكالىق اينالىمعا تالداۋ جاساۋدى، ورنالاستىرۋدى كۇشەيتىپ، ەكونوميكانىڭ ءبىر قىدىرۋ ساياساتىن ويداعىداي تياناقتاندىرىپ، ”سەگىز ءىرى كاسىپ سالاسى شوعىرى“ قۇرىلىسىن كورنەكتى تۇردە ويداعىداي يگەرىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىنۋ كەرەك. حاۋىپ - قاتەردەن بار كۇشپەن ساقتانىپ جانە ونى جويىپ، قوعامدىق كەلەلى جاعدايدىڭ ءۇرتىس ورنىقتىلىعىن باتىل قورعاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن جاپپاي ىلگەرىلەتىپ، ءتۇرلى قايشىلىقتار مەن داۋ - شارلاردى ىشكەرىلەي، ەگجەي - تەگجەيلى تەكسەرىپ - اداقتاپ جانە شەشىپ، نىشاندىق، نىسايلىق ماسەلەلەردەن دەر كەزىندە ءونىمدى ساقتانىپ، شەشىپ، قوعامدىق كەلەلى جاعدايدىڭ باياندى ورنىقتىلىعىنا شىنايى كەپىلدىك ەتۋ كەرەك. ىنتىماقتاسا كۇرەس جۇرگىزۋگە تاباندى بولىپ، ءار ۇلت بۇقاراسىنا تىعىز سۇيەنىپ، قالىڭ كادرلار مەن بۇقارانىڭ ورنىقتىلىقتى قورعاۋ، دامۋدى كوزدەۋ، رەفورمانى جەبەۋ بارىسىنداعى بەلسەندى رولىن مۇمكىندىكتىڭ بارىنشا ساۋلەلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشۋ كەرەك.

جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى، بيڭتۋان ورگانىنداعى تاراۋلاردىڭ، مەكەمە - ورىنداردىڭ نەگىزگى جاۋاپتى جولداستارى، ايماقتاردىڭ، وبلىستاردىڭ، قالالاردىڭ، اۋدانداردىڭ، قالالاردىڭ، رايونداردىڭ، اۋىلداردىڭ، قالاشىقتاردىڭ، مالىلەردىڭ جانە بيڭتۋاننىڭ ءارقايسى شىلارىنىڭ، قالالارىنىڭ، تۋان - الاڭدارىنىڭ جاۋاپتى جولداستارى، ت.ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.