ۋاكىل فاڭ شيانجىن:

　　شينجياڭدى عىلىم - تەحنيكا ارقىلى كوركەيتۋ ءۇشىن مىندەتىمدى اتقارىپ، جاۋاپكەرشىلىگىمدى وتەيمىن

　　□ انار بۇلت \ شينجياڭ گازەتىنىڭ ءتىلشىسى گو ليڭ

”مەن پارتيا 20 - قۇرىلتايىنىڭ رۋحىن كوپشىلىككە قايتكەندە اناعۇرلىم ويداعىداي، اناعۇرلىم جان - جاقتى جەتكىزۋدى مۇمكىندىگىنشە تەز ورىنداپ، كوپشىلىكتى باستاپ جاڭا داۋىردە اناعۇرلىم قايراتتانا ىسكەرلىك كورسەتۋگە بولاتىندىعى جونىندە وي جۇگىرتۋدەمىن“، - دەدى 10 - ايدىڭ 23 - كۇنى ۋاكىل فاڭ شيانجىن تىلشىگە.

”باس شۋجي پارتيا 20 - قۇرىلتايىنىڭ بايانداماسىندا عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە، ءسوز جوق، تاباندى بولىپ، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارۋ كەرەكتىگىن باسا دارىپتەدى... شينجياڭعا كومەككە كەلگەن كادر رەتىندە، مەن شينجياڭعا عىلىم - تەحنيكا ارقىلى كومەكتەسۋ، دارىندى باۋلۋ جاعىندا سەرپىندى ارتتىرىپ، شينجياڭدى عىلىم - تەحنيكا ارقىلى كوركەيتۋ جولىندا مىندەتىمدى اتقارىپ، جاۋاپكەرشىلىگىمدى وتەيمىن“. وسى بىرنەشە كۇندە فاڭ شيانجىن ءوزىنىڭ تۇسىنگى مەن كاسىبىن بايلانىستىرا وتىرىپ تىنباي ويلانىپ، ۇگىت لەكسيا ماتەريالىن كەمەلدەندىردى.

فاڭ شيانجىن حىنان ولكەسىنەن شينجياڭعا 10 - توپتا كومەككە كەلگەن كادر، قۇمىل قالالىق حايۋاناتتار ىندەتىنەن ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى. ”مال شارۋاشىلىعى قۇمىل اۋىل شارۋاشىلىعىنىڭ ماڭىزدى قۇرامداس بولىگى، مەن حايۋاناتتار ىندەتىنەن ساقتانۋ - تىزگىندەۋمەن شۇعىلدانامىن، كاسىبىم اۋىل - قىستاقتى كوركەيتۋدە كادەگە جاراپ قانا قالماستان، اناعۇرلىم زور رول اتقارادى“. فاڭ شيانجىن: پارتيا 20 - قۇرىلتايىنىڭ رۋحىن اۋىل - قىستاقتى كوركەيتۋدى ىلگەرىلەتۋ وي جەلىسىنە جانە شاراسىنا شىن مانىندە اينالدىرىپ، قۇمىل قالاسى مال شارۋاشىلىعىنىڭ عىلمي باعىمشىلىق دەڭگەيىن ۇزدىكسىز جوعارىلاتىپ، ەگىنشى - مالشىلاردىڭ كىرىسىن ارتتىرىپ بايۋىنا كومەكتەسەمىن، - دەدى.

قۇمىل قالاسىنىڭ حايۋاناتتار ىندەتىنەن ساقتانۋ - تىزگىندەۋ قىزمەتىن كۇشەيتۋگە فاڭ شيانجىن كوپ تەر توكتى، ول قۇمىل قالاسىنىڭ مال شارۋاشىلىعى رايوندارىن ارالاپ شىقتى، مال قورالارىنا باردى، تاۋىق ۇيالارىن كوردى. فاڭ شيانجىننىڭ تانىستىرۋىنشا، وسىدان بۇرىن قۇمىل قالاسى حايۋاناتتار ىندەتىن باقىلاپ تەكسەرگەندە مالىمەتتى قولمەن جازىپ، تاجىريبە ساندى مالىمەتتەرىن ادام كۇشىمەن ساناققا الادى ەكەن، قىزمەت مولشەرى كوپ، ونىمدىلىگى تومەن. حىنان ولكەسىنىڭ شينجياڭعا كومەكتەسۋ كەڭسەسى مەن قۇمىل قالاسىنىڭ قاتىستى تاراۋلارىنىڭ قولداۋىندا، ول بەلسەنە دانەكەر بولىپ بايلانىس جاساپ، پاتولوگيا جانە پارازيت قۇرتتار ءىلىمى تەكسەرۋ تاجىريبەحاناسىن جاڭادان قۇرىپ، حايۋاناتتار ىندەتى جاعدايىن تەكسەرىپ مالىمدەۋدىڭ قالا، اۋدان، اۋىل ءۇش دارەجەلى تورابىن ورناتىپ، مال شيپاگەرى تاجىريبەسىنىڭ ينفورماتسيالاندىرىلعان باسقارۋ جۇيەسىن قۇرىپ، باقىلاۋ - تەكسەرۋ، ساقتاندىرۋ دەڭگەيىن جوعارىلاتقان. سونىمەن بىرگە، ول تاعى كومەككە يە بولعان ورىننىڭ قىزمەتكەرلەرىمەن بىرگە قۇلشىنىپ، 3 تەحنيكالىق اقتاڭداقتى تولتىرىپ، 4 عىلمي زەرتتەۋ نىسانىن ورىنداپ، مەملەكەتتىك 5 پاتەنت ءوتىنىش ەتىپ، جەرگىلىكتى 7 ولشەم بەلگىلەگەن.

ەكى جىلدان ارتىق ۋاقىتتا، فاڭ شيانجىن شينجياڭ مال شارۋاشىلىعىنىڭ تەز قارقىنمەن دامۋىنا جانە ەگىنشى - مالشىلار تۇرمىسىنىڭ وزگەرىسىنە كۋا بولدى، ءبىر توپ ەرەكشە ەگىن، مال شارۋاشىلىعى ونىمدەرى شينجياڭنان شىعىپ، بۇكىل ەلگە بەت الىپ، ەگىنشى - مالشىلاردىڭ قالتاسى قامپايدى. دارىندى باۋلۋ ءۇشىن، ول قۇمىل قالاسىنداعى حايۋاناتتار ىندەتىنەن ساقتانۋ - تىزگىندەۋدىڭ الدىڭعى شەبىندەگى كاسىپتىك تەحنيكتەردى حىنان ولكەسىنە بارىپ ۇيرەنۋگە تالاي رەت ۇيىمداستىردى ءارى حايۋاناتتار ىندەتىنەن ساقتانۋ - تىزگىندەۋدەگى مەملەكەت دارەجەلى مامانداردى، حىنان ولكەسىنىڭ مال شارۋاشىلىعى ماماندارىن قۇمىل قالاسىنا كەلىپ ءبىلىم بەرۋگە جانە ۇستىندە جەتەكشىلىك ەتۋگە ۇسىنىس ەتتى. ”20 - قۇرىلتاي ۋاكىلى رەتىندە، پارتيا 20 - قۇرىلتايىنىڭ رۋحىن ويداعىداي باستاماشىلدىقپەن ۇيرەنۋشى، ۇگىتتەۋشى جانە امالياتتا ايگىلەۋشى بولىپ، بۇقارا كوڭىل بولەتىن، قاداعالاي نازار اۋداراتىن ىستەردى دەن قويا، سۇيىسپەنشىلىكپەن ويداعىداي شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتامىن“، - دەدى فاڭ شيانجىن.

پارتيا 20 - قۇرىلتايىنىڭ بايانداماسىندا، اۋىل - قىستاقتى كوركەيتۋدى جاپپاي ىلگەرىلەتۋ؛ اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، قالا مەن اۋىلدى توعىستىرا دامىتۋعا تاباندى بولىپ، قالا، اۋىل نەگىزگى فاكتورلارىنىڭ اۋىسۋىن ىركىلىسسىزدەندىرۋ؛ اۋىل شارۋاشىلىعى جاعىندا قۋاتتى ەل قۇرۋدى تەزدەتىپ، اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ العا قويىلدى. فاڭ شيانجىن بىلاي دەدى: قىس تاياپ قالدى، مەن حايۋاناتتار ىندەتى جاعدايىن باقىلاۋ - تەكسەرۋ، ساقتاندىرۋدىڭ جارامدى ىزدەنىس جاساۋشىسى بولىپ، قالىڭ ەگىنشى - مالشىلارعا جانە باقتاشى وتباسىلارىنا ويداعىداي تەحنيكالىق قىزمەت وتەيمىن ءارى شينجياڭعا كومەككە كەلگەن كادردىڭ كوپىرلىك، دانەكەرلىك رولىن بەلسەنە ساۋلەلەندىرىپ، مامانداردى ۇستىندە جەتەكشىلىك ەتۋگە ۇسىنىس ەتىپ نەمەسە تەحنيكانى وتباسىلارعا جەتكىزىپ، قۇمىلدىڭ حايۋاناتتار ىندەتىنەن ساقتانۋ - تىزگىندەۋىنىڭ جانە باعىمشىلىق كاسىبىنىڭ دامۋىنا ءادىس - امال كورسەتىپ، كوپ ءتۇرلى تاسىلدەن پايدالانىپ، تاپجىلمايتىن دارىندىلار قوسىنىن تۇلعالاپ، قۇمىلدىڭ مال شارۋاشىلىعى كاسىبىنىڭ اقاۋسىز دامۋىن جەبەۋگە كۇش - قۋاتىمدى ارنايمىن.