ۋاكىل ءراھيما اۋۇت:

وقۋ - اعارتۋدى حالىق رازى بولاتىنداي جاقسى جۇرگىزۋگە كۇش قوسامىن

　□ انار بۇلت \ شينجياڭ گازەتىنىڭ ءتىلشىسى گۋان مىڭيىڭ

”مەن پارتيا 20 - قۇرىلتايىنىڭ رۋحى مەن قۇرىلتايعا قاتىناسقان ءتول اسەرىمدى قىزمەتتەستەرىممەن جانە وقۋشىلارىممەن بولىسەمىن“. 10 - ايدىڭ 26 - كۇنى ۋاكىل ءراھيما اۋۇت جينان قالاسى چاڭچيڭ 1 - ورتا مەكتەبىنە قايتىپ كەلدى، ول پارتيا 20 - قۇرىلتايى ەستەلىگىن رەتتەي ءجۇرىپ، قۇرىلتايعا قاتىناسقاندا ۇيرەنگەن، كورگەن، ەستىگەن، سەزىنگەندەرىمدى قايتكەندە قاراپايىم، تۇسىنىكتى تىلمەن كوپشىلىكپەن ورتاقتاسا الامىن دەگەندى جوسپارلاۋمەن بولدى.

پارتيا 20 - قۇرىلتايىنىڭ بايانداماسىندا مىنالار العا قويىلدى: ادام تاربيەلەۋدىڭ ءتۇبىرلى تەتىگى ونەگە كورسەتۋدە. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزم قۇرىلىسشىلارى مەن ءىزباسارلارىن باۋلۋ.

قۇلجا قالالىق 23 - ورتا مەكتەپتىڭ وقىتۋشىسى، شينجياڭنىڭ شاندۇڭدا تۇراتىن وقۋ - اعارتۋدى سايكەستىرۋ گرۋپپاسى پارتيا ياچەيكاسى چاڭچيڭ 1 - ورتا مەكتەبى پارتيا گرۋپپاسىنىڭ باستىعى رەتىندە، ءراھيما اۋۇت جاۋاپكەرشىلىگىنىڭ اۋىر ەكەندىگىن تەرەڭ سەزىندى، ول بىلاي دەدى: ”پارتيانىڭ ابزال ساياساتىنىڭ ارقاسىندا شينجياڭداعى ەگىنشى - مالشى پەرزەنتتەرىنىڭ شاندۇڭدا ءبىلىم الىپ، كوز اياسىن كەڭەيتۋىنە، ءبىلىم ۇيرەنۋىنە وراي جاراتىلدى. مەن پارتيا 20 - قۇرىلتايىنىڭ رۋحىن جەتەكشى ەتىپ، وقۋشىلارعا قاراتىلعان يدەيالىق تاربيە قىزمەتىن ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت - تاربيەسىن ىشكەرىلەي ورىستەتىپ، وقۋشىلاردى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەيمىن“.

2020 - جىلى 9 - ايدا ءراھيما اۋۇت جينان قالاسى چاڭچيڭ 1 - ورتا مەكتەبىنە تاڭداپ جىبەرىلىپ، شينجياڭ تولىق ورتا كلاسىنداعى وقۋشىلارعا قىزمەت وتەۋ جانە ولاردى باسقارۋ قىزمەتىمەن شۇعىلداندى،ول پارتيا ورتالىق كوميتەتىنىڭ قامقورلىعىندا نەگىزگى ساتى وقۋ - اعارتۋ ىستەرى ساپاسىنىڭ شارىقتاۋىنا كۋا بولدى، بۇرىندارى وقۋ - اعارتۋى ارتتا قالعان شەت - شالعاي ەگىن، مال شارۋاشىلىعى وڭىرلەرىندەگى بالالاردىڭ وقيتىن مەكتەپ بولۋىنان، مەكتەپتە وقي الۋىنان جاقسى مەكتەپتە وقۋىنا دەيىنگى بۇرىلىسقا كۋا بولدى، ول ۇنەمى وسىلارعا قاتتى سۇيىنەتىن.

قازىر ءراھيما اۋۇت شينجياڭ تولىق ورتا كلاسىنداعى وقۋشىلاردى ۇيىمداستىرىپ كۇز، قىس ماۋسىمدىق توپتىق قيمىل ورىستەتىپ، ولاردىڭ كەڭەسۋىن، پىكىرلەسۋىن كوبەيتىپ، ءار ۇلت وقۋشىلارى جاراسىمدى وتەتىن، وقىتۋشىلار مەن وقۋشىلار بىرگە العا باساتىن جاعداي قالىپتاستىرۋدى جوسپارلاۋدا. ”مەن الداعى جەردە كاسىپتى تىڭعىلىقتى زەرتتەپ، وقىتۋ ساپاسىن جوعارىلاتىپ، وقۋشىلاردىڭ يدەيالىق كۇي - جايى، ۇيرەنۋ، تۇرمىس جاقتارىنداعى ماسەلەلەرىن دەر كەزىندە يگەرىپ، وقۋشىلاردىڭ بۇكىل ىنتا - پەيىلىمەن ۇيرەنۋگە كىرىسۋىنە كومەكتەسىپ، شابىت بەرىپ، حالىقتىڭ قالاۋىنان شىعاتىن وقۋ - اعارتۋ قىزمەتكەرى بولامىن“، - دەدى ءراھيما اۋۇت.

”پارتيا 20 - قۇرىلتايى بايانداماسىندا: سوتسياليستىك وزەكتى قۇن كوزقاراسى ارقىلى رۋح سومداپ، ادام تاربيەلەپ، يدەيا - ساياسي قىزمەتى جۇيەسىن كەمەلدەندىرىپ، جوعارى، ورتا، باستاۋىش مەكتەپتەردىڭ يدەيا - ساياسي تاربيەسىن ءبىر تۇلعالاندىرۋ قۇرىلىسىن ىلگەرىلەتۋ ورتاعا قويىلدى“. ءراھيما اۋۇت مىنالاردى ءبىلدىردى: مەكتەپ وقۋشىلاردى اۋىلىنداعى وقۋشىلارمەن كوپ ءتۇرلى تاسىلدەگى اۋىس - كۇيىس قيمىلىن ورىستەتۋگە بەلسەنە ۇيىمداستىرىپ، تۇرمىس امالياتى بارىسىندا جاستار مەن وسپىرىمدەردىڭ سوتسياليستىك وزەكتى قۇن كوزقاراسىن جەتىلدىرىپ، ءار ۇلت وقۋشىلارىنىڭ ”بەستى شىنايى مويىنداۋىن“ كۇشەيتۋدە، ولاردى ساياسيدا سەنىمدى، يدەيادا شىڭدالعان، مەملەكەتكە ەڭبەك ءسىڭىرۋدى مۇرات تۇتقان سوتسياليزمنىڭ تولىمدى قۇرىلىسشىلارى مەن سەنىمدى ءىزباسالارى ەتىپ باۋلىپ شىعۋعا قۇلشىنادى.