تىلشىلەرىمىز ياڭ جيڭ - ي، كاميلا حالمۇرات، حان شاشا حابارلايدى. سوڭعى كۇندەردەن بەرى ىلە وبلىسىنا توتە قاراستى اۋدان - قالالار، تاراۋلار (ورىندار) پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشۋ، ارناۋلى تاقىرىپتىق ٴماجىلىس اشۋ، باياندامانى وقۋ، ٴۇنحاتتا ۇگىت - لەكسيا جاساۋ سياقتى فورمالارمەن پارتيا 20 - قۇرىلتايىنىڭ جانە  20 - كەزەكتى ورتالىق كوميتەتتىڭ ٴبىرىنشى جالپى ٴماجىلىسىنىڭ رۋحىن جەتكىزدى جانە ۇيرەندى. كوپشىلىك جابال مىنانى ٴبىلدىردى: پارتيا 20 - قۇرىلتايىنىڭ رۋحىن ويداعىداي ۇيرەنۋ، ۇگىتتەۋ، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتە ۇيرەنۋگە، جەتە تۇسىنۋگە، شىنايى تياناقتاندىرۋعا تاباندى بولىپ، ونى باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىمەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن جانە ٴىس جۇزىندىك قىزمەتپەن بىرلەستىرىپ ۇيرەنىپ، قۇرىلتاي رۋحىنىڭ وزەكتىٴمانىن تەرەڭ ۇعىنامىز.

ىلە جىبەك جولى كاسىپتىك شۋەيۋانىنىڭ (دايىندىق ساتىسىندا) مەملەكەت دارەجەلى قىزمەت كەڭسەسىنىڭ جەتەكشىسى، مەملەكەتتىك كەڭەستىڭ قوسىمشا قاراجاتىنان يگىلىكتەنۋشى يۋان دىشىڭ بىلاي دەدى: «بىلىممەن جاڭالىق اشۋدىڭ قوجاسى بولىپ، عىلىم - تەحنيكا جاعىنان بۇكىل ىنتا - پەيىلىممەن حالىق ٴۇشىن قىزمەت ىستەپ، پارتيا 20 - قۇرىلتايىنىڭ بايانداماسىنداعى دارىندىلار ستراتەگياسىن ويداعىداي دايەكتىلەندىرەمىن، تياناقتاندىرامىن. 3 تە 5 جىلدا مەملەكەت بويىنشا 10 عا تارتا تاڭداۋلى عىلىم - تەحنيكا تابيەشىسىن تاربيەلەپ شىعامىن».

كۇيتۇن قالالىق وقۋ - اعارتۋ مەكەمەسى پارتكومىنىڭ ورىنباسار شۋجيى، مەكەمە باستىعى لي شياۋبو بىلاي دەدى: «پارتيا 20 - قۇرىلتايىنىڭ رۋحىن جەتەكشى ەتىپ، وقۋ - اعارتۋ ىستەرىنىڭ جاڭا جورىعىندا جەلكەن جايۋىمىز كەرەك. وقۋ - اعارتۋ ىستەرىنىڭ جوعارى ساپالى دامۋىن كۇش سالا جەبەپ، وقۋ - اعارتۋ جاعىنداعى قۇدىرەتتى مەملەكەت، عىلىم - تەحنيكا جاعىنداعى قۇدىرەتتى مەملەكەت قۇرۋعا بەرىك نەگىز قالاپ، پارتيا الاڭسىز، حالىق رازى بولاتىن وقۋ - اعارتۋ قىزمەتىن ويداعىداي جۇرگىزەمىز».

«تاۋ، سۋ، ورمان، اتىز، كول، جايىلىم، ٴشولدى ٴبىر تۇلعالاندىرىپ قورعاۋدا جانە جۇيەلى جونگە سالۋدا كاسىپتىك ەرەكشەلىكتى ساۋلەلەندىرۋ كەرەك». ورمان - جايىلىم ەكولوگياسىن باقىلاۋ - تەكسەرۋ جۇيەسىندەگى مەملەكەتتىك وزات جەكە جاڭ ي بىلاي دەدى: «جاڭا داۋىردەگى ورمان - جايىلىم قىزمەتكەرى رەتىندە يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، كومىر قىشقىل گازىنىڭ شىعارىلۋىن ازايتۋ، لاستانۋدى ازايتۋ، جاسىلداندىرۋدى كەڭەيتۋ، ٴونىمدى ارتتىرۋ بارسىندا شەگەلىك رۋحتى ساۋلەلەندىرىپ، ورمان - جايىلىم ىستەرىنىڭ دامۋىنا ۇلەس قوسامىن».

كۇنەس اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى ۋ دۇڭ بىلاي دەدى: «جاڭا تاريحي باستالۋ تۇيىنىندە ٴبىز ماڭگى بويكۇيەزدىككە سالىنبايتىن رۋحاني بەينەمەن جانە العان بەتتەن قايتپايتىن كۇرەس جۇرگىزۋ كۇيىمەن قاي - قاشان دا حالىق تۇرمىسى ماسەلەسىنە نازار اۋدارىپ، حالىق بۇقاراسىنىڭ تاماشا تۇرمىسىن قۇلشىنا جۇزەگە اسىرۋ جولىندا قاجىماي - تالماي كۇرەس جۇرگىزەمىز».

باتىس تيانشان مەملەكەت مەنشىگىندەگى ورمان باسقارۋ مەكەمەسى ورمان بايلىعىن باسقارۋ، ورمان اكىمشىلىگى باسقارماسىنىڭ باستىعى جۋ كىنۇڭ بىلاي دەدى: «شي جينپيڭنىڭ ەكولوگيالىق وركەنيەت يدەياسىن ىشكەرىلەي ويداعىداي دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەيمىز. پارتيا 20 - قۇرىلتايىنىڭ بايانداماسى الداعى 5 جىلداعى، ٴتىپتى، ودان دا ۇزاق ۋاقىتتاعى پارتيا مەن مەملەكەت ىستەرىنىڭ دامۋى ٴۇشىن جوبا بەلگىلەپ، بەتالىستى ايقىنداپ بەردى».

وبلىسقا توتە قاراستى ورىندارداعى ٴارقايسى اۋىل (قالاشىق)، قىستاقتار دا ٴتۇرلى فورمالارمەن پارتيا 20 - قۇرىلتايىنىڭ رۋحىن بەلسەنە ۇيرەندى. 10 - ايدىڭ 25 - كۇنى موڭعۇلكۇرە اۋدانى قۇسىمتحارسۋ موڭعۇل ۇلتتىق اۋىلىنىڭ ۇگىت - لەكسياشىلارى جىلىجايلارعا بارىپ، شاعىن ۇگىت - لەكسيا جاساپ، ەگىنشى وتباسىلارىنا پارتيا 20 - قۇرىلتايىنىڭ رۋحىن جەتكىزدى، ەگىنشى وتباسىلارى ۇگىت - لەكسيانى مۇقيات تىڭدادى.

كۇنەس اۋدانى نارات قالاشىعىنىڭ يىنجار قىستاعى قىستاق كادرلارىن پارتيا 20 - قۇرىلتايىنىڭ رۋحىن ۇيرەنۋگە بەلسەنە ۇيىمداستىردى. قىستاق پارتيا ياچەيكاسىنىڭ شۋجيى ما گودۇڭ بىلاي دەدى: «قىستاق پارتيا ياچەيكاسىنىڭ شۋجيى رەتىندە مەن پارتيا 20 - قۇرىلتايىنىڭ رۋحىنان بەلسەنە كۇش - قۋات قابىلداپ، قىزمەت ٴىس جۇزىندىگىمەن بىرلەستىرە وتىرىپ، ۇيرەنۋ جەتىستىكتەرىن قىزمەتتىڭ قوزعاۋشى كۇشىنە جانە قابىلەتىمە اينالدىرىپ، اۋىل شارۋاشىلىعى، اۋىل - قىستاق قۇرىلىسىنا بەلسەنە ات سالىسىپ، بۇقارانى اناعۇرلىم باقىتتى تۇرمىسقا كەنەلتەمىن!».