سۋرەتتە: بالالار وزدەرى جاساعان «بيڭدۇندۇنمەن» سۋرەتكە تۇسۋدە.

ياڭ جيڭ - ي فوتوسى

ٴتىلشىمىز ياڭ جيڭ - ي حابارلايدى. 2 - ايدىڭ 10 - كۇنىنەن 14 - كۇنىنە دەيىن قۇلجا قالاسىنداعى ٴارقايسى ورتا - باستاۋىش مەكتەپ ىركەس - تىركەس وقۋ باستادى. كوكتەم مەرەكەسىنىڭ جانە قىسقى وليمپيادا سپورت جارىسىنىڭ فاكتورلارى دا مەكتەپكە ەنگىزىلىپ، «قىسقى وليمپيادانى بالعىن كوڭىلمەن تاماشالاپ،  بولاشاققا بىرگە اتتانايىق» تاقىرىبى جاڭا وقۋ ماۋسىمىنىڭ ماڭىزدى ساباعىنا اينالدى.

2 - ايدىڭ 11 - كۇنى قۇلجا قالالىق 15 - ورتا مەكتەپتىڭ وقىتۋشى - وقۋشىسى جاسامپازدىقتارىن ساۋلەلەندىرىپ، قاردان «بيڭدۇندۇن» جاساپ، وسى ارقىلى قىسقى وليمپياداعا دەم بەرىپ، وليمپيادا رۋحىن جالعاستىردى.

2 - ايدىڭ 14 - كۇنى قۇلجا قالالىق 24 - باستاۋىش مەكتەپتىڭ بارلىق وقىتۋشى - وقۋشىسى بەيجيڭ قىسقى وليمپيادا سپورت جارىسىنىڭ سالتاناتتى دا ادامدى اسەرلەندىرەتىن اشىلۋ سالتىنىڭ كەسكىنىن قايتالاي تاماشالادى ٴارى قىسقى وليمپيادا سپورت جارىسىنىڭ قار - مۇز سپورت تۇرلەرىن قايتا ٴبىر كورىپ شىقتى. ادامدى اسەرلەندىرەتىن قىسقى وليمپيادا سپورت جارىسىنىڭ ساڭلاقتارى مەدالعا يە بولعان  ساتتە وقۋشىلار قۋانىشتارىن باسا الماي قىزۋ شاپالاق سوعىپ، قۋانا الاقايلادى.

2- ايدىڭ 14 - كۇنى قۇلجا قالاسى بايانداي قالاشىعى ساندۋان باستاۋىش مەكتەبىنىڭ جاڭا وقۋ ماۋسىمىن باستاۋ سالتىندا، وقۋشىلار قىسقى كانيكولدا قاتىناسقان دوڭگەلەكتى شاڭعى تەبۋ، قار شاڭعى تەبۋ سياقتى قيمىلدارىنىڭ شاتتىعىن ٴبولىسىپ، ٴتىپتى دە كوپ ساباقتاستارىن قار - مۇز سپورتىنا ات سالىسۋعا، دەنەتاربيە رۋحىن ساۋلەلەندىرۋگە  شابىتتاندىردى.

سول كۇنى قۇلجا قالالىق 10 - باستاۋىش مەكتەپ «وليمپيادا رۋحىن امالياتتا ايگىلەپ، جاڭا وقۋ ماۋسىمىن نۇرعا بولەيىك» باستى تاقىرىبىنداعى وقۋ باستاۋ سالتىن وتكىزدى. وقىتۋشى - وقۋشىلار «وليمپيادا مەدالىن سىزۋ»، «وليمپيادا سپورت تۇرلەرىنە ەلىكتەۋ»، «وليمپيادا ۇندەۋىن جازۋ»، «وليمپيادا جۇلدىزىن القاۋ» سياقتى قيمىلدار ارقىلى وتانشىلدىق قىزعىندىلىق پەن ۇمتىلا العا باسۋ رۋحىن تاسقىنداتتى.

بۇدان سىرت، كوپتەگەن مەكتەپ قىسقى وليمپيادا سپورت گەربى، قۇت بەلگىسى جانە قار - مۇز سياقتىلاردى جاسامپازدىق فاكتورى ەتىپ، ساعىز توپىراق، سۋرەت سالۋ، قولونەر بۇيىمدارىن جاساۋ قيمىلدارىن ورىستەتتى. بالالاردىڭ جاسامپازدىقتارى، تاماشا تۋىندىلارى ولاردىڭ قىسقى وليمپيادا سپورت جارىسىنا دەگەن شەكسىز تىلەگىن جانە قار - مۇز سپورتىنا بولعان قىزۋ ىنتاسىن بەينەلەدى، سونىمەن بىرگە «قوس ازايتۋ» ساياساتىنىڭ اتقارىلۋى بالالاردىڭ اسەمونەر، دەنەتاربيە، ۋنيۆەرسالدى امالياتتا ايگىلەۋ سياقتى جاقتارداعى قابىلەتىنىڭ كۇننەن كۇنگە جوعارىلاعاندىعىن ايگىلەدى.