ٴتىلشىمىز ٴپاتيما، ەرىكتى ٴتىلشى يۇڭ چىڭفان حابارلايدى. جاقىنعى كۇندەردەن بەرى قورعاس قالالىق اۋىل شارۋاشىلىعى، اۋىل - قىستاق مەكەمەسى كاسىپتىك تەحنيكتەردى ۇيىمداستىرىپ، اۋىل شارۋاشىلىق ماشينالارى سەلبەستىك كووپەراتيۆى مەن ەگىنشى وتباسىلارىن ىشكەرىلەي ارالاپ، اۋىل شارۋاشىلىق ماشينالارىن تەكسەرۋ - رەمونتتاۋ، كۇتىمدەۋ سياقتى جۇمىستاردى ويداعىداي ىستەپ، كوكتەمگى وندىرىسكە بارىنشا كەپىلدىك ەتتى.

2 - ايدىڭ 25 - كۇنى ٴتىلشى قورعاس قالاسى يشىعاشان اۋىلى چىرجىعاشان قىستاعىنداعى اۋىل شارۋاشىلىق ماشينالارىنا كاسىپتىك قىزمەت وتەۋ سەلبەستىك كووپەراتيۆىنە بارعاندا اۋلا ٴىشىنىڭ اۋىل شارۋاشىلىعىنا پايدالانىلاتىن ٴتۇرلى ماشينا جابدىقتارىنا تولعانىن، تەحنيكتەردىڭ اۋىل شارۋاشىلىق ماشينالارىن تەكسەرىپ، رەمونتتاپ، قۇراستىرىپ جاتقاندىعىن كوردى. تەحنيكتەر ەگىمشىلىكپەن شۇعىلداناتىن وتباسىلارىنا ناق مايداندا ۇلگى كورسەتىپ، اۋىل شارۋاشىلىق ماشينالارىن قالاي ىستەتۋ، قورعاۋ، كۇتىمدەۋ جونىندەگى بىلىمدەردى ۇيرەتىپ، ولاردىڭ ناقتى ماسەلەلەرىن شەشۋىنە كومەكتەستى.

«بۇل اۋىل شارۋاشىلىق ماشينالارىنىڭ پايدالانىلعانىنا ۇزاق جىل بولعان، ٴار جىلى كوكتەمگى ەگىس جۇمىسى باستالاردا تۇگەلدەي كۇتىمدەلەدى. قازىر اۋىل شارۋاشىلىق ماشينالارىن تەكسەرۋ - رەمونتتاۋدىڭ قاۋىرت مەزگىلى، سەلبەستىك كووپەراتيۆىمىزدە اۋىل شارۋاشىلىق ماشينالارىنىڭ سانى ٴبىرشاما كوپ بولعاندىقتان تەكسەرۋ - رەمونتتاۋ قىزمەتى قيىنعا سوعادى. سوندىقتان تەحنيكتەر قىستاقتاعى وتباسىلارىنا ىشكەرىلەي بارىپ جاعداي ۇعىسىپ، ولاردىڭ اۋىل شارۋاشىلىق ماشينالارىن تەكسەرۋ - رەمونتتاۋ بارىسىندا ٴدوپ كەلگەن ناقتى قيىنشىلىقتارىن شەشۋىنە جاقىننان جاردەم بەردى» دەدى چىرجىعاشان قىستاعى اۋىل شارۋاشىلىق ماشينالارىنا كاسىپتىك قىزمەت وتەۋ سەلبەستىك كووپەراتيۆىنىڭ جاۋاپتىسى لي فىڭجيە.

قازىر بۇل سەلبەستىك كووپەراتيۆىندە 21 ۇلكەن ات كۇشىندىك تراكتور بار بولىپ، كۇتىمدەلۋ مولشەرى %40 كە، اۋىل شارۋاشىلىق ماشينالارىنان 30 دان استامى بار بولىپ، كۇتىمدەلۋ مولشەرى %60 كە جەتكەن. مەجەمەن 3 - ايدىڭ 15 - كۇنىنەن بۇرىن بارلىق ماشينالاردىڭ كۇتىمدەۋ، تەكسەرۋ - رەمونتتاۋ قىزمەتىن ورىنداپ بولادى ەكەن.

ۇعىسۋعا قاراعاندا، قورعاس قالاسىنىڭ يشىعاشان اۋىلىندا جالپى 299 ٴار الۋان اۋىل شارۋاشىلىق ماشيناسى بار ەكەن. اۋىل شارۋاشىلىق ماشينالارىن تەكسەرۋ - رەمونتتاۋعا قىزمەت وتەۋ تەبىنىن ارتتىرۋ ٴۇشىن قاتىستى تاراۋلار كوكتەمگى ەگىس جۇمىسىنىڭ قاجەتىنە ساي، تەحنيكتەردى قىستاقتارعا (الەۋمەتتىك اۋماق) جىبەرىپ، اۋىل شارۋاشىلىق ماشينالارىن تەكسەرۋ - رەمونتتاۋ، قىزمەت وتەۋمەن قامتاماسىزداندىرۋ جانە ٴوندىرىس حاۋىپسىزدىگى سياقتى جاقتارداعى تەحنيكالاردى ناق مايداندا ۇيرەتىپ تۇسىندىرگەن. قىستاق «ەكى كوميتەتى» مەن قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى وتباسىلارىن ارالاپ، كوكتەمگى ەگىس جۇمىستارىنا قاتىستى بىلىمدەردى بەلسەنە ۇگىتتەپ، اۋىل شارۋاشىلىعى وندىرىسىنە قورعاۋشى بولعان.

«اۋىل شارۋاشىلىق ماشينالارىن تەكسەرۋ - رەمونتتاۋ قىزمەتى بارىسىندا ٴبىز سەلبەستىك كووپەراتيۆى مەن اۋىل شارۋاشىلىق ماشينالارى بار وتباسىلارىن ىشكەرىلەي ارالاپ، اۋىل شارۋاشىلىق ماشينالارىن تەكسەرۋ - رەمونتتاۋ جاعدايىن دەر كەزىندە ۇعىسىپ، ٴوندىرىس حاۋىپسىزدىگى بىلىمدەرىن كۇش سالا ۇگىتتەپ، كوكتەمگى ٴوندىرىس قىزمەتىن ويداعىداي ىستەۋگە بارىنشا كۇش سالدىق» دەدى قورعاس قالالىق ساياسي - زاڭ كوميتەتىنىڭ يشىعاشان اۋىلى چىرجىعاشان قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى ۋاڭ شىڭ.