3 - ايدان بەرى ىندەت 29 ولكەنى شارپىپ، تۇلعالىق جاقتان تارالۋ كولەمى كەڭ، كولەمدىك ىندەت پەن بىتىراندى ىندەت قاباتتاسقان، ناۋقاستاردىڭ سىرتقا تارالۋى جانە قايتالامالى ىندەت جاعدايىنىڭ تۋىلۋى كوپ بولۋداي ەرەكشەلىكتەر جارىققا شىقتى. كوپ جەر ٴتۇرلى ساقتانۋ - تىزگىندەۋ شارالارىن شۇعىل، قاتاڭ، ەرتە باستان، جەدەل، ەگجەي - تەگجەيلى، ناقتى تياناقتاندىرىپ، ىندەتتەن ساقتانۋ - تىزگىندەۋ قامالىن باتىل بەكەمدەدى.

قايتكەندە ىندەت جاعدايىن جاقسارتۋعا بولادى؟ قايتكەندە بۇقارانىڭ ەمدەلۋ ماسەلەسىن ۇيلەسىمدى شەشۋگە بولادى؟ جۇرتشىلىقتىڭ كوڭىل ٴبولىپ وتىرعان وسى ماسەلەلەرگە مەڭزەس، 4 - ايدىڭ 6 - كۇنى وتكىزىلگەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جونىندەگى اقپارات جاريالاۋ ماجىلىسىندە بۇعان شوعىرلى جاۋاپ قايتارىلدى.

«يكەمدى نولگە تۇسىرۋگە» ۇزدىكسىز تاباندى بولۋدا ٴارى - ٴسارى بولماۋ، بوساڭسىماۋ كەرەك

مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى لەي جىڭلۇڭ بىلاي دەپ تانىستىردى: 3 - ايدىڭ ورتا شەنىنەن بەرى جەر - جەردىڭ ىندەتتەن ساقتانۋ - تىزگىندەۋ شارالارىن ٴونىمدى تياناقتاندىرۋىنا ساي، وسىدان بۇرىن ىندەت جاعدايى ٴبىرشاما اۋىر بولعان 5 ولكەنىڭ ىشىندە گۋاڭدۇڭ، شاندۇڭ، حىبەيدە جاقسارۋ بەتالىسى جارىققا شىقتى، شاڭحاي مەن جيليننىڭ ىندەت جاعدايى ٴالى دە ٴورشۋ كۇيىندە تۇر.

«كوپ جەردىڭ ىندەت جاعدايىنىڭ ٴونىمدى تىزگىندەلۋى اۋاشالاۋ، باسقارۋ - تىزگىندەۋ، قۇرساۋلاۋ، تەكسەرۋ - سارالاۋ سياقتىلاردى وزەك ەتكەن شارالاردى قاتاڭ، شۇعىل قولدانۋدىڭ وميكرون شتاممى تۋدىرعان جەرگىلىكتى توپتالۋ سيپاتىنداعى ىندەت جاعدايىنا توتەپ بەرۋدە ٴالى دە ٴونىمدى ەكەندىگىن، <يكەمدى نولگە ٴتۇسىرۋدى> جۇزەگە اسىرۋعا بولاتىن بەكىتىلگەن باعدار ەكەندىگىن دالەلدەدى» دەدى لەي جىڭلۇڭ.

«<يكەمدى نولگە ٴتۇسىرۋ> باس باعىتىنا ۇزدىكسىز تاباندى بولۋدا ٴارى - ٴسارى بولماۋ، بوساڭسىماۋ كەرەك، تەزدىكتى ماڭداي الدى ورىنعا قويىپ، ٴتۇيىندى وڭىرلەردە تەكسەرۋگە تيىستىلەردى تۇگەل تەكسەرۋدى، باقىلاۋعا الۋعا تيىستىلەردى تۇگەل باقىلاۋعا الۋدى، اۋاشالاۋعا تيىستىلەردى تۇگەل اۋاشالاۋدى، ەمدەۋگە تيىستىلەردى تۇگەل ەمدەۋدى جەدەل ىلگەرىلەتۋ كەرەك». مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ مىنالاردى ٴبىلدىردى: جەر - جەر اۋاشالاۋ تۇيىندەرى مەن فاڭساڭ شيپاحاناسى دايىندىعىن كۇشەيتىپ، كولەمدى ىندەت جاعدايىن ٴبىر جاقتى ەتۋ قابىلەتىن جوعارىلاتۋى، سونداي - اق بار امالدى قولدانىپ بۇقارانىڭ ٴىس جۇزىندىك ماسەلەلەرىن شەشۋىنە كومەكتەسۋى كەرەك.

جۇڭگو اۋرۋدى تىزگىندەۋ ورتالىعى ەپيدەميولوگيا اۋرۋلارى عىلىمىنىڭ باس مامانى ۋ زۇنيوۋ بىلاي دەپ قارادى: كەزەكتە ىندەت جاعدايىنىڭ جالعاسۋ ۋاقىتى ساقتانۋ - تىزگىندەۋ تاكتيكالارىنىڭ، ساقتانۋ - تىزگىندەۋ شارالارىنىڭ تياناقتانۋ تەبىنىنە بايلانىستى بولىپ وتىر. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ، ىندەتتەن ساقتانۋ - تىزگىندەۋ شارالارىن ٴاربىر بۋىندا قاتاڭ، ناقتى تياناقتاندىرىلعاندىقتان، جۋىقتاعى ىندەت جاعدايىنىڭ كوپ تۇيىندە بىتىراندى تۋىلۋ بەتالىسى جاقسارا باستادى.

ەمدەلۋدەگى «ەڭ سوڭعى ٴبىر مەتر» ماسەلەسىن شەشۋ كەرەك

ىندەت مەزگىلىندە بۇقارانىڭ ەمدەلۋ ماسەلەسى جۇرت نازارىن اۋداردى.

بەيجيڭ داشۋەسى 1 - شيپاحاناسى جۇقپالى اۋرۋلار ٴبولىمىنىڭ مەڭگەرۋشىسى ۋاڭ گۇيچياڭ مىنالاردى ٴبىلدىردى: بۇقارانىڭ ەمدەلۋىندەگى «ەڭ سوڭعى ٴبىر مەتر» ماسەلەسىندە بىرىنشىدەن، بۇقارانىڭ تۇرعىندار اۋماعىنان شىعۋى مەن شيپاحاناعا بارۋى بارىسىنداعى «كىرىپ - شىعۋىندا» كوپ تاراۋ بىرلەسىپ ارەكەتتەنىپ، 120 قۇتقارۋ كولىگى سياقتى شۇعىل قۇتقارۋ قۇرىلىمدارىن سەپتەپ، 120 قۇتقارۋ كولىگى سياقتى حالىققا قولايلى قىزمەت وتەۋلەردىڭ دەر كەزىندە ٴونىمدى رول كورسەتۋىنە مۇمكىندىك جاساۋ؛ ەكىنشىدەن، تاسىمال بارىسىندا قاتىناس قۇرالدارىن ويداعىداي ورنالاستىرىپ، بۇقارانىڭ ەمدەلۋ ماسەلەسىن شەشۋ. «وسى ەكى جاعىندا ٴارقايسى جاقتىڭ ٴوزارا سايكەسۋى قاجەت، قاجەتتى كەزدە ۇكىمەت كولىگىن، ەرىكتىلەر كولىگىن پايدالانىپ، ٴتۇيىن مەن ٴتۇيىن اراسىندا جەتكىزۋ قىزمەت ەتۋىن جۇرگىزۋگە كەپىلدىك ەتۋ كەرەك».

3 - ايدىڭ 22 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى فاڭساڭ شيپاحاناسىن قۇرۋ - باسقارۋ بەلگىلەمەسىن باسىپ تاراتىپ، فاڭساڭ شيپاحاناسىنا بەلگىلى سالىستىرمادا ەمدەۋ قىزمەتكەرلەرىن، ەمدەۋ تەكسەرۋ - ولشەۋ جابدىقتارىن، شۇعىل قۇتقارۋ ٴدارى - دارمەكتەرىن جانە وتتەگىن سەپتەپ، فاڭساڭ شيپاحاناسىنىڭ نەگىزگى ىندەت جاعدايىن باقىلاۋ - ولشەۋىنە جانە ەمدەۋ جۇرگىزۋىنە، سونداي - اق ىندەت جاعدايىندا وزگەرىس تۋىلعاندا اۋىستىرىپ ەمدەۋگە جىبەرۋىنە كەپىلدىك ەتۋدى ايقىن تالاپ ەتتى.

«فاڭساڭ شيپاحاناسىنا، باستىسى، تۇرمىستا وزىنە - ٴوزى قاراي الاتىن، 60 جاستان تومەنگى، شۇعىل حارەكتەرلى نەگىزدىك اۋرۋى، رۋحاني اۋرۋى جوق، اۋرۋ بەلگىسى جوق جۇعىمدالۋشىلار جانە جەڭىل حارەكتەرلى ناۋقاستار قابىلدانىپ ەمدەلەدى». ۋاڭ گۇيچياڭ بىلاي دەپ تانىستىردى: سالماقتى، جوعارى حاۋىپ - قاتەرلى اۋماقتان كەلگەن جەڭىل حارەكتەرلى ناۋقاستارعا مەڭزەس، كەيبىر ٴدارى - دارمەكتىك ەمدەۋلەر، اسىرەسە، ۆيرۋسقا قارسى ەمدەۋلەر جۇرگىزۋدى ۇسىنامىز. سونىمەن بىرگە، بارلىق ناۋقاستىڭ اۋرۋ وزگەرىسىن ٴجىتى باقىلاپ - ولشەۋ، اسىرەسە، نەگىزدىك اۋرۋى بار، جاسى ۇلعايعان سالماقتى، جوعارى حاۋىپ - قاتەرلى اۋماقتان كەلگەن ادامدار شوعىرىنا ايرىقشا نازار اۋدارۋ، اۋرۋ جاعدايىندا وزگەرىس بولا قالعاندا، 120 كولىكتەرىنە دەرەۋ حابارلاسىپ، ٴتۇيىندى شيپاحانالاردا ىشكەرىلەي دياگنوز قويۋعا، ەمدەۋ جۇرگىزۋگە جەدەل جەتكىزۋ كەرەك.

جاڭا تيپتى ايدارشا ۆيرۋس ۆاكسيناسىن «ەگۋگە تيىستىلەرىنە تۇگەل ەگۋدى» ۇزدىكسىز ىلگەرىلەتۋ كەرەك

4 - ايدىڭ 5 - كۇنىنە دەيىن بۇكىل ەل بويىنشا جاڭا تيپتى ايدارشا ۆيرۋس ۆاكسيناسىنان جالپى 3 ميلليارد 280 ميلليون دانا - رەت ەگىلىپ، تۇتاس بارىستا ەگىلۋ مولشەرى ٴبىر ميلليارد 240 ميلليون دانا - رەت بولىپ، قامتىلعان ادام سانى بۇكىل ەلدەگى جالپى جان سانىنىڭ %90.70 ىن يەلەگەندىگى مالىمدەلگەن، 60 جاستان جوعارى قارتتارعا ۆاكسينا ەگۋدىڭ قامتىعان ادام سانى 220 ميلليوننان اسقان.

«قارتتار مەن نەگىزدىك اۋرۋى بار ادامدار جونىنەن العاندا، سالماقتى ناۋقاستاردى ازايتۋدىڭ، ٴولىم - ٴجىتىمدى ازايتۋدىڭ ەڭ جاقسى شاراسى ٴالى دە ۆاكسينا ەگۋ». جۇڭگو اۋرۋدى تىزگىندەۋ ورتالىعى يممۋنيتەتتەندىرۋ جوباسى باس مامانى ۋاڭ حۋاچيڭ بىلاي دەدى: دۇنيە جۇزىلىك دەنساۋلىق ساقتاۋ ۇيىمىنىڭ ماماندارى جاڭا تيپتى ايدارشا ۆيرۋس ۆاكسيناسىن «سالماقتى اۋرۋلاردىڭ الدىن الۋ مەن ٴولىم - ٴجىتىمنىڭ الدىن الۋدا ەرەكشە ٴونىمدى» دەپ باعالاپ وتىر. قازىر كوز الداعى ەڭ كوكەيتەستى مىندەت − تۇتاس بارىستا ۆاكسينا ەگۋ، كۇشەيتپەلى ۆاكسينا ەگۋدى جەدەل ورىنداپ، ەگۋگە تيىستىلەرگە تۇگەل ەگۋدى ورىنداۋ.

ۋاڭ حۋاچيڭ تاعى مىنالاردى ەسكەرتتى: كوكتەم ماۋسىمى گۇل توزاڭىنا اسىرە سەزىمتالدىقتىڭ ەڭ كۇشەيەتىن مەزگىلى، گۇل توزاڭىنا اسىرە سەزىمتالدىق تاريحى بولۋ جاڭا تيپتى ايدارشا ۆيرۋس ۆاكسيناسىن ەككىزبەۋدىڭ شارتى ەمەس. ەگەر گۇل توزاڭىنا اسىرە سەزىمتال ادام اسىرە سەزىمتالدىقتىڭ شۇعىل اسقىنعان كەزەڭىندە تۇرسا، اسىرەسە، گۇل توزاڭىنا اسىرە سەزىمتالدىقتان دەمىكپە سياقتى اۋىر دارەجەلى اۋرۋ بەلگىسى پايدا بولسا، ۆاكسينا ەگۋدى كەشەۋىلدەتە تۇرۋىنا بولادى. گۇل توزاڭىنا اسىرە سەزىمتالدىق تاريحى بار، ۆاكسينا ەكتىرۋىنە بولاتىندار ۆاكسينا ەكتىرگەن كەزىندە كلينيكالىق شيپاگەرگە نەمەسە ۆاكسينا ەگۋشى شيپاگەرگە جاعدايىن ايتۋى كەرەك، سونداي - اق ۆاكسينا ەككەننەن كەيىن 30 مينۋت بايقاپ كورۋ بەلگىلەمەسىنە قاتاڭ بويسۇنۋى كەرەك.

شينحۋا اگەنتتىگىنىڭ 4 - ايدىڭ 6 - كۇنى بەيجيڭنەن بەرگەن حابارى (تىلشىلەر دۇڭ رۇيفىڭ، گۋ تيانچىڭ، لي حىڭ)