شاڭحايداعى وسى كەزەكتى «ىندەتپەن» شايقاس «ەڭ شەشۋشى، ەڭبەكتى ەڭ كوپ قاجەت ەتەتىن» كەزەڭگە ٴوتتى. ىندەتتەن ساقتانۋ - تىزگىندەۋدىڭ بۇرىنعى تاجىريبەلەرىنەن قاراعاندا، باسىم كۇشتى شوعىرلاندىرىپ، «يكەمدە نولگە ٴتۇسىرۋدى» جەدەلدەتكەندە عانا، ىندەتتىڭ تارالۋ بەتالىسىن شاپشاڭ تەجەپ، شىن مانىندە ادامدى نەگىز ەتۋگە بولادى.

«يكەمدى نولگە ٴتۇسىرۋ» باس باعىتىنا ەكى ۇداي بولماي، مىزعىماي تاباندى بولۋ جۇڭگونىڭ حالىقتى وزەكتى ەتكەن دامۋ ۇستانىمىنا تاباندى بولۋىنىڭ جاندى تۇسىندىرمەسى بولىپ تابىلادى. ىندەتتەن ساقتانۋ - تىزگىندەۋ سان ميلليونداعان حالىق جۇرتشىلىعىنىڭ ٴومىرىنىڭ سالاماتتىعى مەن حاۋىپسىزدىگىنە سايادى، بۇل تيتتەي دە ٴمۇلت كەتىرۋدى كوتەرمەيدى. «ۆيرۋسپەن بىرگە ٴومىر ٴسۇرۋ» تاكتيكاسىن ۇستانعان كەيبىر مەملەكەتتەر مەن وڭىرلەردەگى جۇعىمدالۋ مولشەرىنە، ولگەندەر سانىنا سالىستىرىپ قاراساق، جۇڭگونىڭ ٴبىر ميلليارد 400 ميلليوننان استام جالپى حالىق سانى نەگىزى، قىرۋار قارت ادامدار قاۋىمى سىندى ٴىس جۇزىندىك مەملەكەت جاعدايىندا، الدا - جالدا «ەش قارسىلىق كورسەتپەي جاتا بەرسەك»، حالىقتىڭ ٴومىرىنىڭ، مال - مۇلكىنىڭ جان توزگىسىز شىعىنىنا اپارىپ سوعىپ، الاپات سالدار تۋعىزادى.

«يكەمدى نولگە ٴتۇسىرۋ» باس باعىتىنا ٴارى - ٴسارى بولماي، مىزعىماي تاباندى بولۋدا پوزيتسيا باتىل، كەسىمدى، ارەكەت شاپشاڭ، پارمەندى، قامتاماسىز ەتۋ شارالارى تولىق، ٴونىمدى بولۋ كەرەك. ۆيرۋستىڭ تارالۋ جولىن بوگەۋمەن، ۇزۋمەن قاتار، تۇرعىنداردىڭ نەگىزگى تۇرمىسى مەن قالىپتى اۋرۋ كورسەتۋ قاجەتىن ويداعىداي قامتاماسىز ەتىپ، وزەكتى فۋنكتسيالاردىڭ قالىپتى اينالىمىنا، قامداۋ تىزبەگىنىڭ، كاسىپ سالاسى تىزبەگىنىڭ ىركىلىسسىزدىگىنە شىنايى كەپىلدىك ەتۋ كەرەك.

عاسىرلىق ىندەت تولقىپ، قايتالاپ، جاڭا تيپتى ايدارشا ۆيرۋس توقتاۋسىز وزگەرگەنىمەن، ٴبىزدىڭ قاشان دا حالىقتى بارىنەن جوعارى قويۋىمىز، ٴومىردى بارىنەن جوعارى قويۋىمىز، قاشان دا عىلىمعا قۇرمەت ەتۋىمىز، زاڭدىلىققا قۇرمەت ەتۋىمىز وزگەرمەيدى. «يكەمدى نولگە ٴتۇسىرۋ» «ەشكىم جۇعىمدالماۋعا» تالپىنۋ ەمەس، قايتا ىندەتتى جەدەل تىزگىندەپ الۋ ٴۇشىن بولىپ تابىلادى. ٴارقانداي ساقتانۋ - تىزگىندەۋ شارالارىنىڭ قاي - قايسى دا ٴتيىستى بوداۋ بەرەدى، ٴبىراق حالىقتىڭ ٴومىرىنىڭ حاۋىپسىزدىگى مەن دەنساۋلىعىن قورعاۋمەن سالىستىرعاندا بۇل بوداۋلار بەرۋگە تاتيدى.

تاباندىلىق جەڭىسكە جەتكىزەدى. ىندەتكە قارسى اتتانۋ امالياتى «يكەمدى نولگە تۇسىرۋگە» تاباندى بولۋ حالىقتىڭ ٴومىرىنىڭ سالاماتتىعى مەن حاۋىپسىزدىگىن قورعاۋدىڭ «اسىلى» ەكەندىگىن دالەلدەدى. «يكەمدى نولگە ٴتۇسىرۋدى» جۇزەگە اسىرۋدا جۇڭگو مىعىم كۇشكە جانە قۋاتتى قابىلەتكە يە. جەر - جەر، تاراۋلار ورتالىقتىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن باتىل تياناقتاندىرىپ، ٴتورت جاقتىڭ جاۋاپكەرشىلىگىن ناقتىلاپ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە باتىل تۇردە قول جەتكىزىپ، قالىپتى ٴوندىرىس، تۇرمىس ٴتارتىبىن ەرتەرەك قالپىنا كەلتىرۋى كەرەك.

شينحۋا اگەنتتىگىنىڭ تىلشىلەرى چي جۇڭشي، حى شينرۇڭ